Адзін сабака выправіў другога паслом у чужую краіну. А той пераапрануўся ў Граждана і, прыхапіўшы з сабой адзіяла, падушку і зубны парашок, зьнік у невядомым кірунку.
Адзін сабака паехаў паслом у Этыёпію. Ля трапа самалёта яго сустрэў Граждан і пацікавіўся: “За што вы майго Пушкіна ўтапілі, як сабаку Паўлава?”
Аднаго сабаку зрабілі паслом у Зымбабвэ. А той пераапрануўся ў Граждана і пачаў агітаваць дзікіх абізьзян за сьветлую будучыню.
Адзін сабака захацеў паглядзець тэлевізар. Уключыў і бачыць: Граждан, што быў паслом у Амэрыцы, распавядае, як там нэграў лінчуюць.
Аднаму сабаку Граждан распавядаў пра паслоў: “Жывуць яны ў сямі пакоях, маюць па сорак штаноў, а я тут па сьметніках капаюся. Трэба іх сабраць, усё паадбіраць і разьдзяліць, як пры савецкай перамозе!”
У Варшаве адзін сабака выйшаў з пасольства — паглядзець на горад. Граждан пабачыў і перадаў куды трэба, што сабака працуе на “Чатырох танкістаў” і езьдзіць зь імі на танку ў бардэль.
Адзін сабака быў паслом на Кубе. Выйшаў ён у горад, а да яго раптам падбег чорны Граждан з чайнікам: “Хто Леніна відзеў? У штаб бочку сьпірту прывезьлі!”
В.А.
