Расійскі сок аказаўся занадта нахімічаным
Орган па сертыфікацыі прадукцыі, паслуг і персаналу Беларускі дзяржаўны інстытут метралогіі (БелДІМ) адмовіў у выдачы сертыфікату адпаведнасці імпарцёру ТАА «МаксПродТорг» на партыю соку, нектару і морсу вытворчасці ТАА «Гандлёвы Дом «Лера» (РФ).
У выніку ўвезеная на тэрыторыю Беларусі расійскі прадукцыя не можа быць рэалізаваная насельніцтву. Пад фактычную забарону трапіў сок гранатавы адноўлены неасветлены пастэрызаваны «Kral Premium», сок фейхоа адноўлены асветлены пастэрызаваны «Kral Premium», нектар чарнічны неасветлены пастэрызаваны «Kral Premium, нектар журавінавы неасветлены пастэрызаваны «Kral Premium», сок кізілавы неасветлены адноўлены пастэрызаваны «Kral Premium», морс ягадны збор з журавін, чарніц, ажыны, чорнай парэчкі пастэрызаваны «Kral Premium», нектар шыпшынавы неасветлены пастэрызаваны «Kral Premium», нектар ажынавы з мякаццю пастэрызаваны «Kral Premium», нектар з манга з мякаццю пастэрызаваны «Kral Premium», сок айвовы адноўлены асветлены пастэрызаваны «Kral Premium».
Як паведамляе Міністэрства гандлю Беларусі, падставай для адмовы паслужылі вынікі праведзеных тэстаў, у выніку якіх выяўленая неадпаведнасць прадукцыі ўстаноўленым у Беларусі патрабаванням. Як паказалі тэсты, у соках, нектарах і морсах перавышанае ўтрыманне аксіметылфурфурола, кансервантаў (сарбінавай кіслаты), кансервантаў (бензойнай кіслаты) і сінтэтычных фарбавальнікаў Е 122 і Е 102.
