Дождж, снег і галалёд: на гэтым тыдні ў Беларусь прыйдзе зіма
На гэтым тыдні амаль уся тэрыторыя Беларусі апынецца ва ўладзе шырокага антыцыклону. З-за арктычнага паветра тэмпература пачне паступова зніжацца.
Пра гэта TUT.BY паведаміў начальнік службы гідраметэаралагічных прагнозаў Рэспубліканскага гідраметэаралагічнага цэнтра Дзмітрый Рабаў.
Халадней за ўсё будзе па паўночным усходзе краіны, на паўднёвым захадзе — крыху цяплей. Вялікая верагоднасць таго, што да канца тыдня месцамі па краіне сфармуецца снежны кілім.
У аўторак, 18 лістапада, пераважна без ападкаў, толькі па паўднёвым захадзе месцамі невялікія ападкі (у асноўным дождж), слабы галалёд. Тэмпература паветра мінімальная ноччу -3 … +3°С, па паўночным усходзе пры праясненнях да -6°С, максімальная днём -2 …+4°С.
У сераду і чацвер тэмпература працягне зніжацца. Уначы -5 … +2°С, па паўночным усходзе пры праясненнях да -7°С, максімальная тэмпература днём складзе -2 … +4°С. Па паўднёва-заходняй палове краіне ападкі (дождж, мокры снег), слабы галалёд.
У пятніцу, 21 лістапада, у заходніх раёнах ападкі (мокры снег, дождж), слабы галалёд. Тэмпература паветра мінімальная ноччу -5 … + 2°С, па ўсходзе пры праясненнях -6 … -8°С, максімальная днём -2 … + 3°С.
У выходныя дні, чакаецца далейшае паніжэнне тэмпературы і на фоне павышанага ціску будзе праходзіць малаактыўны атмасферны фронт, які прынясе месцамі кароткачасовы снег, мокры снег, слабы галалёд. Месцамі па краіне сфармуецца ўжо снежны кілім.
Тэмпература паветра мінімальная ноччуу 0 … -7°С, пры праясненнях -8 — 10°С, максімальная днём -3 … +2°С.
