Знайсці
26.11.2015 / 09:0511РусŁacБел

З выставы «Пагоні» знялі экспанаты з Пагонямі

Юбілейная выстава мастацкай суполкі «Пагоня» працягвае абрастаць скандаламі і забаронамі. Як паведамлялася, у дзень адкрыцця выставы з яе знялі дзве карціны — Аляксея Марачкіна і Алеся Пушкіна. Абедзве карціны мелі алюзіі на ўкраінскія падзеі.

Як перадае радыё «Свабода», 25 лістапада выстава страціла яшчэ дзве карціны. Гэта палатно Алеся Цыркунова, прысвечанае Другой сусветнай вайне і ўдзелу беларусаў у баях каля Монтэ-Касіна ў Італіі. А таксама плакат Уладзіміра Крукоўскага «Што ж мы за людзі?» (на фота), створаны ў 1995 годзе як рэакцыя на Ганебны рэферэндум.

Карціны знялі патаемна, мастакам пра гэта ніхто не паведаміў. Цяпер творцы рыхтуюць зварот на імя старшыні Саюза мастакоў Рыгора Сітніцы, каб высветліць, чаму і кім была ажыццёўлена цэнзура.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера