Знайсці
10.10.2018 / 16:5862РусŁacБел

Відавочца бойкі Какорына і Мамаева з беларусам: Ён сам справакаваў хлопцаў

Відавочца бойкі з удзелам футбалістаў Аляксандра Какорына і Паўла Мамаева каля маскоўскай гасцініцы «Пекін» распавёў падрабязнасці здарэння. Ён выказаў здагадку, што кіроўца вядучай Першага канала Вольгі Ушаковай — беларус Віталь Салаўчук — мог справакаваць канфлікт.

«Усе разам адпачывалі ва ўстанове. Выклікалі таксі, выйшлі на вуліцу. Там холадна, таксі ўсё не ехала. Адна з дзяўчат, убачыўшы прыпаркаваную машыну з кіроўцам, вырашыла, што гэта таксі і села на задняе сядзенне. Кіроўца вельмі груба, з матам стаў яе выганяць», — распавёў ён і дадаў, што Мамаеў зразумеў, што дзяўчына памылілася, і выцягнуў яе з машыны. Пасля гэтага выйшаў кіроўца і «пачаў гарлапаніць на хлопцаў і дзяўчат матам, выкарыстаў адно зусім крыўднае слова».

«Аляксандр і Павел выраслі ў простых сем'ях. Карацей, за такую абразу ў тым жа Падольску, адкуль родам Мамаеў, патрабуюць тлумачэнняў. Аляксандр і Павел падышлі да кіроўцы, запатрабавалі растлумачыць. Той у адказ стаў палохаць і зноў у твар ім паўтарыў гэтае слова», — сказала крыніца.

Аднак спачатку нічога не прадвяшчала бойкі: «Павел жэстыкуляваў. Кіроўца раптам адкінуў яго руку і яшчэ ударыў у твар. Мамаеў гэтага не чакаў, нават адляцеў убок. Ну, і панеслася. Калі браць з нейкіх мужчынскіх паняццяў, то кіроўца проста правакаваў хлопцаў».

Гэты пункт гледжання разыходзіцца з тым, пра што распавёў пацярпелы ў бойцы Салаўчук.

Чытайце таксама:

Расійскія топ-футбалісты да бойкі ў кафэ жорстка збілі беларуса, які зрабіў ім заўвагу. Ён трапіў у рэанімацыю

Беларус, якога пабілі Какорын і Мамаеў: Кроў свістала ажно з вушэй

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера