Золатавалютныя рэзервы Беларусі абнавілі гістарычны максімум
Фота Вольгі Шукайла
Міжнародныя рэзервовыя актывы Беларусі на 1 верасня склалі 8 891,0 млн. даляраў ЗША (у эквіваленце), паведамляе прэс-служба Нацбанка. Гэта новы гістарычны максімум.
За жнівень 2019 года золатавалютныя рэзервы выраслі на 263,1 млн. даляраў ЗША (на 3,0 працэнта) пасля росту ў ліпені 2019 года на 337,2 млн. долараў ЗША (на 4,1 працэнта). З пачатку года ЗВР выраслі на 24%.
У жніўні 2019 года ўрадам і Нацбанкам выканана знешніх і ўнутраных абавязацельстваў у замежнай валюце на 550 млн. долараў ЗША.
Павелічэнню ўзроўню золатавалютных рэзерваў у жніўні спрыялі купля замежнай валюты Нацбанкам на таргах, паступленне сродкаў ад продажу Мінфінам і Нацыянальным банкам аблігацый, намініраваных у замежнай валюце, павелічэнне кошту манетарнага золата і паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты.
Згодна з Асноўнымі напрамкамі грашова-крэдытнай палітыкі на 2019 год аб'ём міжнародных рэзервовых актываў на 1 студзеня 2020 года павінен скласці не менш за 7,1 млрд. долараў ЗША.
