Знайсці
13.01.2022 / 18:22РусŁacБел

МУС пацвердзіла падрыў міліцэйскага аўто каля РУУСа. Падазраванага затрымалі 

Здарэнне адбылося ў ноч з 7 на 8 студзеня недалёка ад будынка Цэнтральнага РУУС Мінска. Пра гэта журналістам паведаміў намеснік міністра ўнутраных спраў Генадзь Казакевіч. Міліцыя затрымала падазраванага.

МУС апублікавала фота падазраванага. Яго выява размытая, тады як звычайна сілавікі публікуюць фоты арыштаваных па палітычных справах адкрыта

Раней інфармацыя пра інцыдэнт была толькі ў тэлеграм-каналах, афіцыйных каментароў не было.

Пазней следчыя органы дадалі таксама інфармацыю, што той жа мужчына ноччу на 13 студзеня нібыта такім жа чынам пашкодзіў кіёск «Табакерка» і урну недалёк ад дома 91 на Старавіленскім тракце.

Таксама следствам нібыта ўстаноўленая датычнасць падазраванага да здзяйснення аналагічнага злачынства ў Цэнтральным раёне Мінска ў кастрычніку 2020 года. 

Затрыманаму мужчыне, паводле следчых, 45 гадоў, ён раней не судзімы і нідзе не працуе, неаднаразова прыцягваўся да адміністрацыйнай адказнасці за распіццё спіртных напояў і парушэнне правілаў дарожнага руху. Прозвішча яго не называецца, фота таксама пакуль што не публікуюцца.

На месцы яго жыхарства і ў падсобных памяшканнях былі нібыта выяўленыя «не менш за 5 падрыхтаваных да выкарыстання выбуховых прылад і ў вялікіх колькасцях розныя хімічныя рэчывы і кампаненты для іх вырабу, а таксама даведачная літаратура па выбуховых рэчывах, порахах і піратэхнічных саставах».

Фота Следчага камітэта з месца жыхарства падазраванага.

Фота Следчага камітэта з месца жыхарства падазраванага.

Дзеянні падазраванага кваліфікуюцца па арт. 289 (акт тэрарызму, учынены паўторна) Крымінальнага кодэкса.

Што не так з апошнімі «тэрарыстычнымі» справамі аб камені ў акне пракурора і аблітай фарбай машыне суддзі? Разбіраемся з былымі сілавікамі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера