Знайсці
21.02.2022 / 12:53РусŁacБел

Нашто парыць ногі ў воцаце? Просты сродак ад праблем, пра якія не прынята гаварыць

Воцат — прадукт, які даўно цэняць за яго ўласцівасці, асабліва бактэрыцыдныя здольнасці. Аказваецца, ён можа дапамагчы і ў выпадку некаторых хвароб ног.

Фота: depositphotos.com.

Карысныя ўласцівасці воцату прыдае воцатная кіслата, якую выкарыстоўваюць, між іншым, у фармацэўтычнай і касметычнай вытворчасці. Воцатная кіслата добра ачышчае скуру, знішчае бактэрыі і грыбкі.

Ёсць і хатнія медыцынскія рэцэпты з воцатам.

Калі вы змагаецеся з трэшчынамі на пятках і нічога не дапамагае, паспрабуйце рабіць ванначкі для ног з яблычным воцатам.

На адзін літр вады вам спатрэбіцца дзве-тры сталовыя лыжкі воцату. Трымайце ступні ў вадзе не больш за 15 хвілін, потым высушыце і надзеньце баваўняныя шкарпэткі.

Лепей за ўсё рабіць такія ванначкі перад тым, як класціся спаць. І не забывайце пра рэгулярнасць: працэдуру варта паўтараць два-тры разы на тыдзень.

Той жа самы рэцэпт ванначак падыходзіць і да іншых праблем са ступнямі. Напрыклад, ванначкі з яблычным воцатам могуць дапамагчы пры дрэнным паху ног. Але ж перад тым, як іх рабіць, трэба старанна вымыць ступні — магчыма, з антыбактэрыяльным мылам.

Воцат мае не толькі антыбактэрыяльныя, але і антыгрыбковыя ўласцівасці, таму і пры барацьбе з грыбком варта рабіць ванначкі для ног з воцатам.

Нарэшце, калі вы маеце на ступнях бародаўкі, воцат зноў можа дапамагчы. Рабіце паўгадзінныя воцатавыя ванначкі ці прыкладвайце ватны дыск з воцатам проста да бародаўкі.

Як вылячыць мазалі з дапамогай воцату? Змяшайце ваду і белы воцат у місцы ў роўнай колькасці. Рабіце з гэтай вадкасцю ванначкі для ног на працягу 15 хвілін.

Варта памятаць, што воцат — гэта не лекі, а сродак хатняй медыцыны. Таму варта выкарыстоўваць яго асцярожна і памятаць, што існуюць і аптэчныя лекі. Не забывайце, што воцат можа раздражняць скуру, а таксама што не варта рабіць воцатавыя ванначкі людзям з дыябетам.

«Гіпотэза актыўных бабуляў і дзядуляў». Навукоўцы патлумачылі сакрэт доўгажыхарства

Названы стопрацэнтны спосаб заразіцца амікронам. Або звесці рызыку да нуля

«А што калі б мы ведалі гісторыю хвароб донара спермы 1558?» — сям'я ў жалобе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера