Хто з банкаў увёў ліміты на валютныя аперацыі?

Сабралі апошнія змены, якія закрануць карыстальнікаў банкаўскіх картак.

Беларусбанк

Беларусбанк з 13 сакавіка часова абмежаваў безнаяўныя разлікі і зняцце гатоўкі за мяжой з картак Visa, Mastercard, Maestro, дзе адкрыты рахунак у беларускіх рублях. У дзень з такіх картак за мяжой можна зняць ці патраціць не больш за 400 рублёў.

Тэхнабанк

Ліміты ўсталяваў таксама Тэхнабанк. Калі картка аформленая ў замежнай валюце (даляр ці еўра), з яе можна патраціць 1000 даляраў ці 500 еўра ў суткі адпаведна.

У інтэрнэт-банкінгу і мабільным дадатку на безнаяўны продаж замежнай валюты па картках (папаўненне праз АРІП валютных картак, пераводы з карткі ў беларускіх рублях на картку ў замежнай валюце) ліміты ў памеры 2000 долараў ці 100 еўра на дзень.

Зняцце гатоўкі ў еўра і далярах з картак у беларускіх рублях часова спынена.

Прыёрбанк

У Прыёрбанку абмежаванні дзейнічаюць з 11 сакавіка. Валютныя аперацыі па картках у беларускіх рублях, у тым ліку за мяжой, не могуць перавышаць 3000 рублёў у дзень у эквіваленце. Размова пра такія аперацыі, як разлікі ў крамах, пакупкі анлайн, зняцце гатоўкі ў банкаматах, пераводы ў інтэрнэт-банкінгу і мабільным дадатку.