Знайсці
06.06.2022 / 15:41РусŁacБел

Пуцін знайшоў вінаватых у збядненні Расіі

Расійскі прэзідэнт сцвярджае, што дзеянні Захаду прывялі да «рэзкага росту беднасці» і «дэфіцыту харчавання».

Уладзімір Пуцін абвінаваціў Захад у выкліку «хвалі глабальнай інфляцыі, рэзкім росце беднасці і дэфіцыце харчавання».

Пра гэта прэзідэнт РФ заявіў у звароце да ўдзельнікаў XXV Пецярбургскага міжнароднага эканамічнага форуму.

«Шматгадовыя памылкі заходніх краін у эканамічнай палітыцы і нелегітымныя санкцыі прывялі да хвалі глабальнай інфляцыі, да разбурэння звыклых лагістычных і вытворчых ланцужкоў, да рэзкага росту беднасці і дэфіцыту харчавання», — заявіў расійскі прэзідэнт.

У той жа час ён мяркуе, што «разам з выклікамі адкрываюцца і перспектывы», а для Расіі 2020-я гады нібыта стануць перыядам «умацавання эканамічнага суверэнітэту».

«Пры гэтым расійская эканоміка будзе ва ўсё большай ступені абапірацца на прыватную ініцыятыву і, зразумела, захавае курс на адкрытасць і шырокае міжнароднае супрацоўніцтва», — сцвярджае Пуцін.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера