Жыхарам Оршы прысудзілі па два гады «хіміі» за спробу спаліць чырвона-зялёны сцяг
У суддзе Оршы і Аршанскага раёна вынесены прысуд па крымінальнай справе палітзняволеных Дзмітрыя Матусевіча і Вячаслава Лютынскага. Іх абвінавацілі ў здзеку з дзяржаўных сімвалаў (арт. 370 КК), піша «Вясна». Працэс вёў суддзя Дзмітрый Разумовіч.
Дзмітрый Матусевіч
Паводле абвінавачвання, у адзін з восеньскіх вечароў 2021 года прыяцелі набылі ў краме сувенірны дзяржаўны сцяжок і на выхадзе спрабавалі яго спаліць. Гэта заўважыў ахоўнік крамы і выклікаў міліцыю.
Дзмітрый Матусевіч — са шматдзетнай сям’і. З малых гадоў ён дапамагаў гадаваць брата і сястру, паколькі ўсе яны раслі без бацькі.
Суд прызнаў Дзмітрыя і Вячаслава вінаватымі і прысудзіў ім па два гады абмежавання волі з накіраваннем ва ўстанову адкрытага тыпу.
Каментары
Каб пакінуць каментар, калі ласка, актывуйце JavaScript у наладах свайго браўзера
95% чалавек прагаласавалі на рэферэндуме за ўключэнне дзвюх трацін Гаяны ў склад Венесуэлы. Мадура заклікаў ісці вызваляць
3
Каб скарыстацца календаром, калі ласка, актывуйце JavaScript у наладах свайго браўзера