Знайсці
12.06.2022 / 17:34РусŁacБел

Рабочы «Нафтана» атрымаў моцныя апёкі. Кажуць, у здарэнні замяшаны начальнік, які ціснуў на чальцоў незалежнага прафсаюза

Работніка даставілі ў Віцебскую абласную бальніцу. 

Фота: «Нафтан»

Гэта было яшчэ 31 мая, паведамляе «Рабочы рух». Рабочы «Нафтана» Аляксандр Л. атрымаў апёкі галавы і верхняй часткі цела на працоўным месцы. Калі ён спрабаваў зняць заглушку з лініі вадародаўтрымліваючага газу, адбыўся выкід вадароду, які самазагарэўся.

Здарэнне адбылося праз невыкананне тэхнікі бяспекі. Па інфармацыі «Рабочага руху», кіраўнік устаноўкі аддаў вусны загад «па-хуткаму» зрабіць небяспечную працу.

Загад быў спушчаны ўніз старшаму аператару ўстаноўкі, які пабаяўся пярэчыць начальніку. А рабочаму, які пайшоў выконваць працу, не быў аформлены допуск да газанебяспечнай працы, і ён пайшоў адзін, што забаронена, кажуць калегі.

Пасля кіраўнік устаноўкі казаў, што такога загаду не аддаваў, а вінаваты ва ўсім старшы аператар устаноўкі. Апошняга выслалі ў адпачынак за свой кошт і пачалі разбіральніцтва.

«Выкананне працэдур згодна з тэхнікай бяспекі займае шмат часу — складанне нарада-допуску, падрыхтоўчыя мерапрыемствы, збор подпісаў адказных асоб… Таму тэхніку бяспекі проста праігнаравалі.

Па якой прычыне Аляксандр Л. пайшоў адзін, дакладна невядома — па інфармацыі ад калег, астатнія работнікі былі занятыя іншымі працамі і проста адбіўся недахоп персаналу, бо з завода ідзе пастаянны адток дасведчаных работнікаў», — падзяліліся з «Нашай Нівай» прадстаўнікі «Рабочага руху».

Раней кіраўнік устаноўкі, па іх словах, пагражаў звальненнямі сваім работнікам, якія ўступілі ў незалежны прафсаюз.

«Вёў з імі размовы, ціснуў тым, што не падоўжаць кантракты. Некаторыя пад ціскам самі звольніліся, кагосьці звольнілі, хтосьці сышоў у стачку. А частка ў выніку выйшла з незалежнага прафсаюза.

Хутчэй за ўсё вінаватым зробяць старшага аператара і аператара, які пацярпеў», — разважаюць суразмоўцы.

Адміністрацыя «Нафтана» ніяк не каментавала здарэнне на заводзе.

Чытайце яшчэ:

Скончыў жыццё самагубствам Уладзімір Крысёнак, які ўдзельнічаў у забастоўцы на «Нафтане». За тыдзень да гэтага яго затрымлівалі сілавікі

Жанчына, якая загнала ў кут Церцеля. Хто такая менеджар «Нафтана», якую трэці месяц мучаць суткамі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
0
Ого
0
Сумна
3
Абуральна
16
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031