Знайсці
23.07.2022 / 15:587РусŁacБел

Як распазнаць таксічнага чалавека? Шэсць прыкмет, на якія варта звярнуць увагу

«Цудоўна выглядаеш, нарэшце ўзялася за сябе» ці «добрага адпачынку, хаця я б туды не паехаў». Такія словы — тыповы прыклад таксічнай камунікацыі. Як зразумець, што іх выклікае — простая нетактоўнасць ці сапраўднае жаданне атруціць вам жыццё?

Фота: pixabay.com

Не варта паспяшацца з высновамі і адназначна называць кагосьці таксічным, але карысна ведаць асноўныя прыкметы такіх людзей. Onet.pl тлумачыць, на што можна звярнуць увагу.

Пазбаўленне іншых людзей упэўненасці ў сабе

«Ты сапраўды верыш, што такі мужчына, як ён, можа табой сур’ёзна зацікавіцца?» або «Ты ўпэўненая, што вытрымаеш гэтую дыету?». Вам могуць прадказваць немінучы правал у працы, адносінах ці нават у клопаце пра сваю фігуру, і тлумачыць гэта сарказмам, клопатам пра вас ці нават уласнай шчырасцю. Галоўнае, што замест падтрымкі гэта толькі выклікае ў вас страх і няўпэўненасць.

Калі чалавек сапраўды таварыскі, у выпадку цяжкіх задач ён хутчэй прапануе вам дапамогу. Можа быць і так, што вы сапраўды ўзяліся за тое, што вам не пад сілу, але ў такім выпадку варта будзе аб’ектыўна на гэта ўказаць і не дапускаць ніякіх крыўдных каментароў у бок асабіста вас.

Бясконцае турбаванне і аднабаковая камунікацыя

Няма нічога дрэннага ў тым, каб расказаць некаму пра свае цяжкасці, і ўсе мы так робім час ад часу, але ж рэч у прапорцыях. Калі кожная сустрэча ператвараецца ў выслухоўванне скаргаў на жыццё, гэта акажа дрэнны ўплыў на самаадчуванне таго, каму даводзіцца іх слухаць. Асабліва дрэнным такі ўплыў будзе, калі гэтае выслухоўванне працягваецца доўга і калі яно выключна аднабаковае, то-бок адзін з суразмоўцаў ператвараецца ў рэзервуар негатыўных эмоцый.

Адмаўленне рэальнасці і ўласных словаў

На спробы даказаць, што яны не правы, таксічныя людзі рэагуюць нападам — напрыклад, пачынаюць адмаўляць рэальнасць, скажаць сэнс сваіх заяваў і паводзінаў. Калі нагадаць ім пра тое, як яны некарэктна пра кагосьці выказваліся ці незаслужана крытыкавалі чалавека, таксічныя людзі могуць адказаць, што былі вымушаныя гэта зрабіць. Так яны здымаюць з сябе ўсе абвінавачванні і ў той жа час ігнаруюць і прыніжаюць пачуцці іншых людзей. А паколькі таксічныя людзі часта бываюць добрымі маніпулятарамі, здараецца, што яны пазбягаюць адказнасці за свае ўчынкі.

Бясконцы рост чаканняў

Гэтая прыкмета характэрная як для таксічных босаў, так і для спадарожнікаў па жыцці. Такія людзі будуць пастаянна казаць вам, што вы можаце дасягнуць большага і што вы заўсёды недастаткова добры. Прыём працуе да таго часу, пакуль іншы бок не пачынае разумець, што задаволіць чаканні, якія пастаянна растуць, немагчыма.

Змена стаўлення па меры развіцця адносін

Як ні дзіва, гэтая рыса таксічных людзей вельмі прываблівае да іх ахвяр. На першым этапе камунікацыі таксічны нарцыс выглядае прывабным, але па меры развіцця адносін яго паводзіны ператвараюцца ў цяжкія і патрабавальныя. Такому чалавеку трэба фон, на якім ён будзе блішчаць, і таму ён ператварае адносіны з іншымі з партнёрскіх у амаль варожыя. Таксічны нарцыс будзе паслядоўна разбураць самаацэнку людзей са свайго асяроддзя, крытыкаваць іх і здзеквацца, хаваючы гэта пад сумленнасцю, і заклікаць іх да яшчэ большай адданасці ў адносінах.

Пасля камунікацыі з такім чалавекам вы адчуваеце сябе дрэнна — і фізічна, і маральна

Нехта забірае ў вас энергію і жаданне дзейнічаць, прымушае адчуваць сябе няўпэўненым і камплексаваць? Вы адчуваеце сябе вінаватым, нават калі проста думаеце пра спыненне гэтых адносін? Значыць, зараз самы час для шчырай размовы. Калі ў адказ на вашы прэтэнзіі вы пачуеце ад чалавека, што яны нічым не падмацаваныя, вырашыце, ці трэба вам гэтыя адносіны. Лепш ад іх не стане, а вось горш — магчыма.

Што парнаграфія робіць з дзіцячым мозгам і як зрабіць, каб яна не трапляла да падлеткаў

«Як толькі пачынаеце апраўдвацца — самі ж падліваеце алею на агонь». Псіхолаг раіць, як рэагаваць на хэйт ад украінцаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Лёня/адказаць/
24.07.2022
У 99% людзей можна знайсці хаця б адну з 6 прыкмет. Апісанне - з разраду "карнай псіхалогіі" - накшталт вядомай за саветамі карнай псіхіятрыі. Тады іншадумцам ставілі дыягназ, а зараз тым, хто думае іначай, лепяць псіхалагічнае кляймо.
24.07.2022
Лёня, карательная психиатрия - это вообще страшная вещь. у нас об этом вообще не говорят. в россии до 2022 года еще хоть как-то говорили...
см. Современная карательная психиатрия в России и Беларуси. Документальный фильм «К У Л А З И Н» 
1
Максим Дизайнер/адказаць/
27.07.2022
Вся Беларусь - страна очень токсичных людей. Только называют по-разному. Это не только мое мнение, но и тех, кто сюда приезжает, кроме умственно отсталых "так чистенько", "простые люди", "батька хозяин" и прочие идиоты. От себя добавлю несколько признаков гипер токсиков.

1. Мужчина должен
2. Мне еще рожать(ни разу не рожавшая)
3. Самые лучшие на свете продукты(лишь бы не готовить вкусно и не разбираться в еде)
4. Путешествия, спорт, саморазвитие(жрать, ходить и не х не делать, жить для себя)
5. Весь сброд, вкатывающийся в IT из-за денег
6. Будь проще(ешь говно, смотри БТ, мечтай купить машину и халупу в спальном гетто)
7. Шмары, сидящие на связи с заграничными принцами
8. Мыслящие позитивно, хоть на голову им на сри. Сидящие по уши в г, работа-дом-работа-летища. Все что вне системы, ужас и неправильно.
9. Туда же тупорылых, у которых все хорошо, а дети и дачушки за границей.
10. Коптящие на ведрах в магазин за углом, и покупающие машины для "удобства", а не дела. Отравляющие жизни детям и простым людям.


Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера