Знайсці
08.08.2022 / 17:561РусŁacБел

Ва Украіне затрымалі людзей, якія нібыта рыхтавалі забойства міністра абароны і кіраўніка разведкі

Служба бяспекі Украіны заявіла, што расійскае ГРУ рыхтавала замах на міністра абароны Украіны Аляксея Рэзнікава і кіраўніка Галоўнага ўпраўлення разведкі Кірылу Буданава.

Аляксей Рэзнікаў і Кірыла Буданаў

СБУ сцвярджае, што ў склад групы ўвайшоў жыхар Луганска, які ваяваў у самаабвешчанай «ЛНР» супраць украінскіх вайскоўцаў. Гэты чалавек, як піша СБУ, павінен быў знайсці кілера для здзяйснення заказных забойстваў. Ва Украіну ён прыбыў праз Беларусь.

На прапанову пагадзіўся жыхар Кіева, які за 5 тысяч даляраў пагадзіўся забіць украінскага вайскоўца, нібыта, як сцвярджалі замоўцы, датычнага да расправаў над расійскімі ваеннапалоннымі. Гэта лічылася «тэставым заданнем».

Абодва цяпер затрыманыя, іх падазраюць у дзяржаўнай здрадзе.

Украінскім вайскоўцам, якога нібыта хацелі забіць разам з Рэзнікавым і Буданавым, можа быць Сяргей Караткіх (вядомы таксама пад мянушкамі «Малюта» і «Боцман») — у мінулым адзін з лідараў «Азова» і партыі «Нацыянальны корпус». Пра гэта паведамляе выданне «Страна» са спасылкай на свае крыніцы.

Сяргей Караткіх

Сяргей Караткіх — ураджэнец Беларусі, меў таксама і беларускае грамадзянства. З 2014 года ён жыве ва Украіне. У складзе батальёна «Азоў» ваяваў на Данбасе. Яго лічаць блізкім да былога кіраўніка МУС Украіны Арсена Авакава. Таксама сцвярджалася, што ён меў дачыненне да «Беларускага дома ва Украіне», кіраўніка якога Віталя Шышова знайшлі ў мінулым годзе павешаным.

Чытайце таксама:

СК Расіі абвінаваціў Сяргея «Малюту» Кароткіх у забойствах на глебе расавай нянавісці

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
даведка/адказаць/
08.08.2022
Сегодня на вечерней поверке в одной из частей российского ГРУ: 

Боширов!
— Отсутствует.
Петров!
— Отсутствует.
Причины отсутствия?
— Задерживаются...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера