Знайсці
24.11.2022 / 15:171РусŁacБел

Выйшаў з друку каляндар з беларускімі словамі і малюнкамі на кожны дзень

Выдадзены «Наш каляндар» на 2023 год. Ён дапаможа ў нязмушанай манеры вывучыць шмат беларускіх слоў, а яскравыя, пазітыўныя малюнкі падымуць настрой. На кожны дзень года — сваё, адметнае словазлучэнне на роднай мове і малюнак, які яго тлумачыць.

Каляндар будзе карысны не толькі тым, хто робіць першыя крокі ў вывучэнні беларускай мовы, але таксама ўзбагаціць слоўнікавы запас добрых знаўцаў роднай мовы.

Вось, да прыкладу, ці ведаеце вы, што такое вехцік? А жырандоля ці ветах? У календары шмат сакавітых, адметных слоўцаў на самыя розныя тэмы.

Пачынаецца каляндар касмічна-геаграфічнай тэмай. Тут ёсць назвы некаторых сузор’яў, бакоў свету, прыродных з’яў. У лютым каляндар прапануе завітаць на кухню ды даведацца назвы посуду. У сакавіку і красавіку, як і мае быць з надыходам вясны, выходзім з хаты ў двор ды вывучаем, што навокал.

У траўні даведаемся назвы розных інструментаў, чэрвеньскі разварот календара дапаможа выправіцца ў вандроўку…

А якім тэмам прысвечаны іншыя месяцы, даведаецеся, калі набудзеце каляндар.

Яго ўжо можна знайсці ў мінскіх крамах і кнігарнях «Кніжная шафа», «Умный кит» (Корш-Сабліна, 3), ГЦ «Купалаўскі» (крама 41-42, ст.м. Кастрычніцкая), краме «Цудоўня» ў Гродне, кнігарні «Крыніцы ведаў» у Бабруйску, інтэрнэт-кнігарнях knihi.by, tn.by, kniganosha.by, kniger.by.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
30
Панылы сорам
0
Ха-ха
1
Ого
1
Сумна
0
Абуральна
1
0
Пціч/адказаць/
24.11.2022
Цікава, колькі каштуе?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031