Знайсці
24.11.2022 / 12:59РусŁacБел

Аб'яднаны пераходны кабінет прызнаў Галадамор генацыдам украінцаў

Аб’яднананы пераходны кабінет прызнаў Галадамор генацыдам украінскага народа і асудзіў злачынствы камуністычнай улады ў дачыненні да нацыянальных рэспублік СССР у міжваенны перыяд. У рэзалюцыі таксама падкрэсліваецца, што масавы голад адбываўся і на тэрыторыі Беларусі.

«Пастанаўляем прызнаць злачынную палітыку камуністычнай дзяржавы супраць народа Украіны, якая прывяла да штучнага голаду ў 1932-1933 гг., актам генацыду супраць украінскага народа і злачынствам супраць чалавечнасці. Мы выступаем таксама з асуджэннем гэтага і іншых злачынстваў камуністычнай улады супраць нацыянальных рэспублік Савецкага Саюза ў міжваенны перыяд», — гаворыцца ў дакуменце.

У Кабінеце нагадалі, што ахвярамі масавага голаду пачатку 30-х гг. сталі жыхары Украіны, Казахстана, Паволжа, Прычарназем’я, Заходняй Сібіры, Паўночнага Каўказа і іншых рэгіёнаў. У АПК падкрэслілі, што ў Беларусі былі забітыя, раскулачаныя і дэпартаваныя больш за 250 тысяч сялян, а вялікая частка беларусаў была змушаная да пераезду ў іншыя рэгіёны — у тым ліку ва Украіну і на Паўночны Каўказ, якія сталі эпіцэнтрамі голаду ў 1932-1933 гг.

«Прызнаючы падзеі Галадамору актам генацыду супраць украінскага народа, мы таксама аддаём даніну памяці тым шматлікім беларусам, якія сталі ахвярамі гэтага злачынства на тэрыторыі савецкай Украіны і Крыма», — напісана ў рэзалюцыі.

Сведчанні пра масавы голад на тэрыторыі самой Беларусі ў Кабінеце назвалі «яшчэ адным фактам, што злучае гісторыю беларускага і ўкраінскага народаў і паказвае агульнасць злачыннай палітыкі бальшавіцкага рэжыму на тэрыторыі нацыянальных рэспублік».

Рэзалюцыя заклікае да раскрыцця ўсіх дзяржаўных архіваў у Беларусі і даследавання дакладнай колькасці загінулых у выніку дзеянняў савецкай улады, а таксама выказвае падтрымку і салідарнасць народу Украіны.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
0
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031