Галалёдзіца. На аўторак абвясцілі аранжавы ўзровень небяспекі

Часам прагназуюцца ападкі (снег, мокры снег, дождж), ноччу і раніцай у асобных раёнах па паўночным усходзе чакаецца моцны снег.

Ноччу і раніцай у цэнтральных і ўсходніх раёнах, днём па ўсходзе — галалёд.

Месцамі туман, на дарогах галалёдзіца, слабая завіруха. Вецер паўднёвы з пераходам на заходні 5-10 м/с, парывы ўзмоцняцца да 14 м/с.

Тэмпература паветра ўначы будзе вагацца ад мінус 8 градусаў па паўночным усходзе да плюс 5 градусаў па паўднёвым захадзе. Днём будзе ад нуля да 6 градусаў цяпла.

У Мінску ўначы пацяплее да +1, будзе ісці снег.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

2

0

0

0

0

0