Знайсці
30.01.2023 / 10:039РусŁacБел

Куды ўкласці свабодныя 10 тысяч даляраў? Адказваюць эканамісты і прадпрымальнік

«Наша Ніва» пацікавілася ў экспертаў, што рабіць тым, хто мае 10 тысяч даляраў і гатовы іх інвеставаць.

«У сваю справу — у галіне малога сэрвіснага бізнэсу ці гандлю»

Эканаміст Уладзімір Кавалкін лічыць, што 10 тысяч даляраў — не тая сума, інвестуючы якую, можна разлічваць на пасіўны даход. Таму тым, хто мае свабодныя 10 000$ і гатовы іх у нешта ўкласці, эканаміст прапануе наступныя варыянты. 

Фота: Petitions.by

1) Патраціць грошы на адукацыю і здароўе. На думку Кавалкіна, дадатковая адукацыя дазволіць вам зарабляць больш, а добрае здароўе дапаможа менш выдаткоўваць на медыцыну ў будучым.

2) Для тых, хто гатовы інвеставаць у сваю справу, ён раіць глядзець у бок малога сэрвіснага бізнэсу ці гандлю. Эканаміст адзначае, што сектар рамонту і аднаўлення заўжды расце, калі падаюць рэальныя заробкі ў краіне. Апроч аказання паслуг, ён прапануе паспрабаваць укласці грошы ў гандаль дэфіцытнымі таварамі.

3) Іншым варыянтам, куды можна інвеставаць свабодныя 10 тысяч даляраў, Кавалкін называе выдаткі на міграцыю ў іншую краіну з больш высокімі заробкамі.

«Адкрыць дэпазіт у замежнай валюце»

Эканамістка Настасся Лузгіна таксама называе тры варыянты, куды можна ўкласці свабодную «дзясятку».

Фота: асабісты архіў

1) Адкрыць дэпазіт у замежнай валюце. 

2) Купіць аблігацыі ў нацыянальнай валюце.

3) Укласці свабодныя грошы ў токены, якія выпускаюць беларускія кампаніі. Іх можна набыць на Finstore як у нацыянальнай, так і ў замежнай валюце.

«Калі мы кажам пра Finstore, то токены — гэта ў прынцыпе тыя ж самыя аблігацыі, толькі з больш простым механізмам рэгістрацыі і магчымасцю набыцця за замежную валюту, бо звычайныя аблігацыі ў Беларусі прадаюцца толькі за рублі.

Але калі мы кажам пра токены, то разам з павышэннем даходу павышаецца рызыка. Той жа Мінфін кажа, што патрабаванні для выпуску токенаў больш слабыя ў параўнанні са звычайнымі аблігацыямі. Вядомы выпадкі, калі кампанія ўжо не мае права выпускаць звычайныя аблігацыі, але працягвае выпуск токенаў на Finstore. І хоць выпадкаў масавых банкруцтваў не было, праблемы з выплатамі як на звычайным рынку аблігацый, так і на Finstore мелі месца быць», — кажа эканамістка. 

Што датычыць прыбытковасці, то менавіта аперацыі з токенамі найбольш выгадныя. Працэнтныя стаўкі ў замежных валютах часам нават перавышаюць адзнаку ў 10%. 

З улікам бягучай сітуацыі ў краіне і рэгіёне, лепей за ўсё прыглядацца да кароткатэрміновых інвестыцый, каб мець магчымасць хутка змяніць інвестыцыйную стратэгію.

«Перавядзіце частку зберажэнняў за мяжу»

Эканаміст Алесь Аляхновіч лічыць, што ў цяперашніх умовах у Беларусі, магчыма, лепш нічога дадаткова не зарабіць, чым страціць свае накапленні.

Фота: фэйсбук Аляхновіча

Таму дае некалькі базавых парад, як захаваць грошы. 

1) Не трымаць зберажэнні ў адной валюце, а размеркаваць, прынамсі, частку сваіх зберажэнняў, у такія міжнародна-канвертоўныя валюты, як даляр ЗША, еўра, брытанскі фунт, швейцарскі франк. 

2) Не трымаць усе зберажэнні ў адным фінансавым інструменце. Паспрабуйце дыверсіфікаваць грошы, бо ў залежнасці ад падзей у Беларусі і рэгіёне частка з гэтых інструментаў можа стаць неліквіднай альбо замарожанай. 

«Напрыклад, калі раптам рэжыму будзе не хапаць валюты, на нейкі час (або назаўсёды) ён можа замарозіць (або адабраць) валютныя дэпазіты ў людзей», — мяркуе эксперт.

3) Перавесці частку сваіх зберажэнняў за мяжу, каб гэтая частка не залежала ад сітуацыі ў Беларусі. А калі вам прыйдзецца хутка з’язджаць, у вас будзе «падушка бяспекі» ў іншай краіне.

«У дзве кучкі — і пад ложак або ў банк»

Прадпрымальнік і блогер Аляксандр Кныровіч раіць у бягучых умовах нікуды не інвеставаць у Беларусі.

Фота: Офіс Ціханоўскай

«Мы знаходзімся ў сітуацыі, калі наша краіна праз тры месяцы, тыдзень ці тры дні можа паўнавартасна ўступіць у вайну. Разуменне гэтага мусіць быць галоўным фактарам, які павінен уплываць на інвестыцыйныя паводзіны людзей», — лічыць прадпрымальнік. 

Ва ўмовах шалёнай турбулентнасці замест укладання грошай у нейкі бізнэс, куплю акцый ці аблігацый Кныровіч раіць іх проста захаваць. 

«Цяпер у першую чаргу павінна быць не імкненне зарабіць грошы, а жаданне іх зберагчы», — заўважае ён. І называе два простыя шляхі.

1) Падзяліць грошы ў прапорцыі 50/50 на еўра і даляры ЗША і пакласці іх пад ложак.

2) Тым, у каго ёсць схільнасць рызыкаваць, Кныровіч раіць пакласці грошы на валютныя дэпазіты ў банк.

«Нейкіх замарозак і блакаванняў валютных сродкаў пакуль не прадбачыцца, як бы мы ні ставіліся да беларускіх банкаў. Валюты ў краіне болей чым дастаткова, таму нейкія метады накшталт блакіроўкі валютных рахункаў пакуль не прагназуюцца.

А вось інвеставаць грошы ў нейкія рызыкоўныя доўгатэрміновыя ўкладанні цяпер дакладна не варта», — лічыць Аляксандр Кныровіч.

Чытайце таксама: 

У 2022 годзе фізасобы прадалі больш валюты, чым купілі  

У Беларусі значна часцей сталі знаходзіць падробленыя даляры

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Наступовец/адказаць/
30.01.2023
Дзякуй за параду, засталося толькі 10 тысяч даляраў знайсьці
0
Dobry Dziadek/адказаць/
30.01.2023
Самый правильный совет - у Кныровича. Деньги в Беларуси сейчас держать нельзя. Потому что придут и заберут "именем хитрозачосанного", потому что кушать хочется ментам и прочим ушлёпкам. Лучше по-максимуму выводить за границу, а там возможностей больше гораздо - ETF, фондовый рынок, ГКО государств, которые по своим долгам платят как Ланистеры... Долю в бизнесе можно купить или франшизу какую маленькую. А в белке - всё отожмут, заморозят и сп**дят. Белорусские токены - подкрышная шарага и по сути такое же фуфло, прокладка, чтобы за счет лохов покупать акции через оффшоры и создавать ложное чувство владения, а по факту - деньги взяли, акции себе купили, на транзакциях и комиссиях нажились, а тебе, дурачок, в нужный момент мы оставим значок (белорусский токен) и иди хоть лоб расшиби в суде с ним.
31.01.2023
Ужас а не советы. Эксперты ртом и инфоцыгане, не иначе. Какие инвестиции в концлагере да и еще в воюющей стране?! Только нал и только в тайнике)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера