Знайсці
08.01.2023 / 15:271РусŁacБел

Не стала басіста гурта Osimira Іллі Далжанкова

Яму было 44 гады.

6 студзеня раптоўна памёр Ілля Далжанкоў, удзельнік знакамітага беларускага фолк-гурта Osimira, у якім музыкант адыграў амаль 20 гадоў, паведамляе «Будзьма».

Менавіта ў гэты перыяд гурт апынуўся на вяршыні сваёй творчай актыўнасці. Бесперапынная гастрольная дзейнасць па краіне і ў замежжы, кантракты з вядомымі гастрольнымі агенцтвамі, удзел у шматлікіх найбуйнейшых фестывалях у краінах Усходняй Еўропы. 

Гэта калі не ўлічваць выступленняў у вялікіх і малых канцэртных залах блізкага замежжа і роднай краіны. Заўсёды з імпэтам і цікавасцю Ілля Далжанкоў удзельнічаў ва ўсіх падарожжах свайго гурта. Трэба адзначыць, што ў невялікія перапынкі паміж паездкамі Ілля тут жа браўся за справу падтрымання сям’і — у розныя часы ён меў працы, звязаныя з будоўляй і прамысловым альпінізмам.

Апошнім часам працаваў ахоўнікам у школе, разам з былым удзельнікам гурта Osimira, дударом Кастусём Канцавым, які працаваў у той жа школе ў якасці мастака.

Трагічнае здарэнне адбылося ўвечары, калі Ілля Далжанкоў ужо скончыў працу — папярэдне ён заступіў на вахту і расчысціў снег. Меркавана, прычынай крызісу арганізма пасля нагрузкі магла стаць праца сэрца.

Сціплая манера паводзінаў, інтэлігентнасць, эрудыцыя і, галоўнае, — неверагоднае пачуццё гумару — вось адметныя рысы гэтага шчырага і таленавітага чалавека, якія застануцца ў памяці сяброў і калег назаўсёды.

Развітанне адбудзецца 9 студзеня, музыканта пахаваюць у Магілёве на Лаўсанаўскіх могілках.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
алесік/адказаць/
08.01.2023
Хай угадаю. Тромб, інсульт ці сардэчная недастатковасць? А цяпер засталося прыгадаць, што некаторыя рабілі на працягу двух апошніх гадоў.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера