Маск анансаваў маштабнае абнаўленне твітара: чаго чакаць
Уладальнік Twitter Ілан Маск анансаваў маштабнае абнаўленне сацыяльнай сеткі. Сярод іх — запуск доўгіх пастоў і вялікае абнаўленне інтэрфейсу.
Ілан Маск. Фота: AP
Паводле яго слоў, на працягу тыдня карыстальнікі сацсеткі атрымаюць магчымасць пераходзіць ад укладкі рэкамендаваных публікацый да пастоў профіляў, якія адсочваюцца, свайпамі ўлева і ўправа, піша РБК-Украіна.
Акрамя таго, праз тыдзень у Twitter з'явіцца кнопка закладак, каб карыстальнікі змаглі захоўваць цікавыя для іх публікацыі.
Пры гэтым у пачатку лютага чакаецца зняцце абмежаванняў на колькасць знакаў у пастах.
Цяпер допісы маюць абмежаванне ў 280 сімвалаў — пасля таго, як ліміт быў павялічаны са 140 у 2017 годзе. У пачатку снежня на пытанне падпісчыка, ці праўда, што Twitter мае намер павялічыць колькасць дазволеных знакаў у твітах з 280 да 4000, Маск адказаў «так».
