У Наваградку мужчына падпаліў дом былой каханай, якая не дачакалася яго з турмы
У Наваградку 30-гадовы мужчына з помсты падпаліў рэчы ў доме сваёй былой каханай. Пра гэта паведамілі ва УУС Гродзенскага аблвыканкама.
Фота: УУС Гродзенскага аблвыканкама
30-гадовы жыхар Наваградскага раёна не так даўно вызваліўся з турмы. Ён вырашыў наведаць сваю колішнюю 42-гадовую каханую, якая жыве ў Наваградку. Але, прыйшоўшы, даведаўся, што тая вернасць яму не захавала, і вырашыў адпомсціць.
8 студзеня мужчына прабраўся ў дом сваёй былой каханкі. Заўважыўшы паліто, што ляжала ў шафе, ён вырашыў яго падпаліць. У выніку выгарэў увесь пакой.
Фота: УУС Гродзенскага аблвыканкама
Інфармацыя пра здарэнне прыйшла ў Наваградскі РАУС. У дачыненні да мужчыны заведзена крымінальная справа за наўмыснае знішчэнне альбо пашкоджанне маёмасці, здзейсненае небяспечным спосабам.