Знайсці
12.01.2023 / 18:392РусŁacБел

«Расчлянёную курыцу» ўсё ніяк не могуць урэгуляваць

Спрабуючы выканаць даручэнні Лукашэнкі, дадзеныя 6 кастрычніка 2022 года на нарадзе з эканамічным блокам, урад выдаў ужо некалькі пастаноў, якія тым ці іншым чынам датычаць «расчлянёнай курыцы». Але, відаць, праблемы застаюцца, бо Міністэрства антыманапольнага рэгулявання і гандлю днямі прыняло яшчэ адну. 

У Нацыянальным рэестры прававых актаў зарэгістраваная пастанова МАРГ №5 ад 9 студзеня пад назвай «Аб рэгуляванні цэн на мяса курэй, куранят бройлераў ў выглядзе частак тушкі».

Праўда, дакумент яшчэ афіцыйна не апублікаваны, яго змест пакуль невядомы.

У канцы снежня Савет міністраў ужо перагледзеў папярэднюю сваю забарону на разразанне птушкі ўласнай вытворчасці ў крамах. Новай пастановай крамам дазволілі гэта рабіць з любой птушкай, акрамя курэй і куранят бройлераў.

На нарадзе 6 кастрычніка Лукашэнка асобна спыніўся на тым, што вытворцы мяса птушкі, абыходзячы механізмы рэгулявання цэн, якія дзейнічалі ў краіне, павышаюць кошт курынай раздзелкі ў параўнанні з цэлымі тушкамі кураняці.

«Бачыце, быў хлеб, кураня — з'явіўся новы тавар! Расчлянілі дохлую курыцу, увапхнулі ў поліэтыленавы пакет — новы тавар!» — абураўся тады Лукашэнка. Пасля таго «расчлянёная курыца» стала мемам, а чыноўнікі ўжо некалькі месяцаў баяцца зрабіць штосьці такое, што можа быць расцэненае як дзеянні насуперак словам найвышэйшага начальніка.

Чытайце таксама:

МАРГ змяніў пастанову аб цэнах на курыцу

Расчлянёная курыца прывяла да крымінальнай справы

Прынялі спецыяльную пастанову пра «расчлянёную курыцу»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Сава/адказаць/
12.01.2023
Ответ на поверхности: делать вольеры и как карпов продавать живых курей.
13.01.2023
Ну и да, когда Лука срывается на эмоциональную болтовню без бумажки - это несомненно положительный момент в борьбе с его хунтой. Странно, почему это еще не заметили в свободной белорусской прессе...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера