Яўген Прыгожын заявіў аб спробах «скрасці перамогу» ў ПВК «Вагнер»
Яго каментар апублікавала прэс-служба.
«Значны ўрон ПВК «Вагнер» можа нанесці наша ўнутрывідавая барацьба, карупцыя, бюракратыя і чыноўнікі, якія хочуць застацца на сваіх месцах. Гэта больш сур'ёзная пагроза існаванню ПВК «Вагнер». Напрыклад, апошнім часам у СМІ вядзецца актыўная праца над тым, каб забараніць словазлучэнне «ПВК «Вагнер», не прамаўляць яго ўслых і ўсяляк пазбягаць, як чорт ладану.
У ПВК «Вагнер» пастаянна спрабуюць скрасці перамогу і распавядаюць аб прысутнасці незразумела каго, абы прынізіць яе заслугі. Таму, карыстаючыся выпадкам, я звяртаюся да ўсіх тых, хто шануе працу ПВК «Вагнер». Заклікаю падтрымаць хлопцаў, якім цяжка на фронце, і ў каментарах згадваць тое, што яны ёсць», — заявіў Прыгожын.
11 студзеня Яўген Прыгожын паведаміў, што ПВК «Вагнер» узяла пад кантроль усю тэрыторыю Салядара, і што ў штурме горада «не ўдзельнічалі ніякія падраздзяленні акрамя байцоў ПВК».
Мінабароны Расіі адчыталася аб узяцці Салядара 13 студзеня. У ведамстве паведамілі, што гэта стала магчыма дзякуючы ўдарам авіяцыі і артылерыі расійскіх войскаў, а таксама падраздзяленням ПДВ, якія занялі пануючыя вышыні і блакавалі Салядар.
