Знайсці
13.01.2023 / 20:09РусŁacБел

Расійскае Мінабароны пахваліла «вагнераўцаў» за баі пад Салядарам

Мінабароны Расіі выступіла з тлумачэннем аб удзеле розных падраздзяленняў у баях за горад Салядар. У паведамленні гаворыцца, што на гэтым кірунку дзейнічала «разнастайная групоўка войскаў».

«Вагнераўцы» ў Салядары. Скрыншот з відэа

«Што датычыць непасрэднага штурму гарадскіх кварталаў Салядара… — гэтая баявая задача была паспяхова вырашаная мужнымі і самаадданымі дзеяннямі добраахвотнікаў штурмавых атрадаў ПВК Вагнера», — гаворыцца ў паведамленні расійскага Мінабароны.

Пытанне размеркавання «заслуг» розных расійскіх узброеных груповак пры захопе Салядара і наступленні на Бахмут адлюстроўвае супярэчнасці паміж рознымі цэнтрамі, якія прэтэндуюць на кіраванне ваеннымі дзеяннямі ва Украіне з расійскага боку. ПВК «Вагнер» і ягоны кіраўнік Яўген Прыгожын рабілі публічныя заявы, з якіх мела вынікаць, што нібыта ваююць там адны наёмнікі-«вагнераўцы», а ўласна Узброеных сілаў там не відаць і не чуваць.

Мінабароны Расіі, у сваю чаргу, гаворачы пра захоп Салядара, паведаміла, што гэта стала магчыма дзякуючы ўдарам авіяцыі і артылерыі расійскіх войскаў, а таксама падраздзяленням ПДВ, якія занялі пануючыя вышыні і блакавалі Салядар. Прыгожын расцаніў гэтую заяву як спробу «скрасці перамогу» ў «Вагнера».

Новае паведамленне Мінабароны, відаць, мае на мэце згладзіць гэтыя супярэчнасці праз кампрамісныя фармулёўкі.

Чытайце таксама:

Яўген Прыгожын заявіў аб спробах «скрасці перамогу» ў ПВК «Вагнер»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера