Wildberries зноў адмяняе плату за вяртанне тавару
Wildberries з 14 студзеня ўсё ж адмяняе плату за вяртанне тавару, паведамляе МАРГ. Спісаныя раней грашовыя сродкі будуць вернутыя.
Канал міністэрства паведамляе, што ў МАРГ паступіла вялікая колькасць зваротаў ад спажыўцоў аб неправамерным спагнанні платы за вяртанне тавару.
МАРГ, гаворыцца ў прэс-рэлізе, «правяло працу» з інтэрнэт-прадаўцом аб неабходнасці выканання заканадаўства аб абароне правоў спажыўцоў і вяртанні неправамерна спісаных грашовых сродкаў.
З 14 студзеня інтэрнэт-крама адмяніла плату за вяртанне тавару, які не падышоў.
Спісаныя раней грашовыя сродкі за вяртанне тавару будуць вернутыя спажыўцам да 17 студзеня ўключна.
Інтэрнэт-крама wildberries.by ўжо некалькі разоў уводзіла плату за вяртанне тавару, але затым адмяняла сваё рашэнне.
