Знайсці
14.01.2023 / 21:0821РусŁacБел

У адказ на выкараненне беларускай лацінкі «Наша Ніва» змяніла лагатып сваёй рускамоўнай версіі

Лукашэнкаўцы вырашылі русіфікаваць і транслітарацыю геаграфічных назваў. «Наша Ніва» зрэагавала на гэта зменай лагатыпа.

Ад сёння лагатып рускамоўнай версіі «Нашай Нівы» будзе выкананы беларускай лацінкай.

Лацінка разам з кірыліцай і арабіцай — традыцыйныя беларускія правапісы. Беларусы актыўна выкарыстоўвалі лацінку з XVII стагоддзя. Ёю пісалі Янка Купала, Вінцэнт Дунін-Марцінкевіч, Францішак Багушэвіч.

На ёй выдавалася «Мужыцкая праўда» Кастуся Каліноўскага, а таксама нейкі час «Наша Доля» і «Наша Ніва».

За чатыры стагоддзі свайго існавання яна мела некалькі варыянтаў. Апошні з іх, афіцыйны, цяпер на гарадскіх паказальніках ды схемах мінскага метро. Гэты варыянт лацінкі быў прыняты ў 2009 годзе беларускай Акадэміяй навук ды зацверджаны ААН.

Лукашысты апалчыліся і на лацінку ў рамках сваёй палітыкі русіфікацыі, якую яны праводзяць, каб дагадзіць Расіі.

Чытайце таксама: Як правільна пісаць беларускай лацінкай? Lohka — amal tak ža, jak i kirylicaj

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Пціч/адказаць/
15.01.2023
мясцовы2, фінансава падтрымаю НН клясычным правапісам, без расейскай версіі, з узмоцненай мадэрацыяй камянтараў рускамірскіх пудзілаў (вельмі ўжо вольна яны тут пачуваюцца).
0
Ваш чытач з часоў Данько/адказаць/
15.01.2023
Лепій вярніце клясычны правапіс, замест тое, што цяпер. Чытаць вас ужо немагчыма, выглядае горш чым наркамаўка, якасьць рэдакцыі 0, перакладаеце з расейскай, дык рабіце гэта па-беларуску, бяз расейскай калькі.
0
Ladzimir/адказаць/
15.01.2023
Калі есць магчымасць, прапаноўваю выпускаць газету на 2-х альфабэтах- кірылічным і лацінскім.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера