Ціханоўскай прапанавалі прыехаць у Беларусь, каб азнаёміцца з матэрыяламі справы
Прэс-служба Мінскага гарадскога суда адказала на просьбу Святланы Ціханоўскай даць ёй магчымасць азнаёміцца з матэрыяламі крымінальнай справы, па якой цяпер у Мінску супраць яе праводзіцца завочны суд.
«Мінскім гарадскім судом разгледжана хадайніцтва Ціханоўскай С. Г. ад 11 студзеня 2023 года аб наданні магчымасці азнаямлення з матэрыяламі крымінальнай справы. Па выніках разгляду ёй растлумачана, што рэалізаваць права, прадугледжанае арт. 285 КПК, і азнаёміцца з матэрыяламі крымінальнай справы магчыма ў памяшканні Мінскага гарадскога суда па адрасе: г. Мінск, вул. Дуніна-Марцінкевіча, 1/3, каб. 313 з 09:00 да 13:00, з 14:00 да 18:00 (панядзелак—пятніца)», гаворыцца ў паведамленні.
У аўторак пачаўся завочны суд па крымінальнай справе ў дачыненні да Святланы Ціханоўскай, Паўла Латушкі, Марыі Мароз, Вольгі Кавальковай і Сяргея Дылеўскага. Усе абвінавачаныя на гэты момант знаходзяцца за межамі Беларусі.
Чытайце таксама:
Ціханоўская расказала, як ёй прызначылі адваката
У Мінску пачынаецца завочны суд над Ціханоўскай, Латушкам і іншымі членамі Каардынацыйнай рады
