Знайсці
19.01.2023 / 15:371РусŁacБел

Суд Швецыі прызнаў двух братоў вінаватымі ў шпіянажы на карысць Расіі. Адзін з іх атрымаў пажыццёвы тэрмін

Стакгольмскі акруговы суд вынес абвінаваўчы вердыкт па справе «братоў-разведчыкаў» — Паяма і Пеймана Кія, якія абвінавачваліся ў шпіянажы на карысць Расіі пры абцяжваючых абставінах, піша Бі-бі-сі.

У Пеймана Кія следчыя знайшлі запісы аб шыфраваных паведамленнях і пераводах золата

Суд над братамі Кія цягнуўся больш за год (арыштавалі іх яшчэ восенню 2021-га) і пастанавіў, што на працягу каля 10 гадоў падсудныя «аказвалі дапамогу Расіі і ГРУ» тым, што давалі Маскве інфармацыю, «якая магла паставіць пад пагрозу бяспеку Швецыі».

У выніку 42-гадовы Пейман Кія — у мінулым штатны супрацоўнік шведскіх спецслужбаў — прысуджаны да пажыццёвага зняволення; 35-гадовы Паям Кія правядзе ў турме 9 гадоў і 10 месяцаў.

З улікам характару абвінавачванняў, часткова слуханні праходзілі ў закрытым рэжыме, без доступу журналістаў, а тэкст судовага рашэння адрэдагуюць перад публікацыяй, выдаліўшы з яго даныя, якія могуць уяўляць дзяржаўную таямніцу.

Самі абвінавачаныя, па словах іх адвакатаў, сваю віну так і не прызналі.

Адвакат Пэймана Кія сказаў Reuters, што яго падабаронны збіраецца аспрэчыць вердыкт. Адвакат яго брата не пракаментаваў вынік справы.

У чым сутнасць абвінавачванняў

Абодвум братам было выстаўлена абвінавачванне па артыкуле аб шпіянажы з абцяжваючымі абставінамі, а старэйшаму, Пейману (яму 42 гады, а Паяму — 35) — дадаткова па артыкуле аб грубым парушэнні правілаў доступу да сакрэтнай інфармацыі.

Паводле абвінавачання, Пейман Кія здабываў сакрэтную інфармацыю для расіян, калі служыў у шведскіх спецслужбах і войску. У момант арышту ён быў шэфам службы бяспекі ў харчовым бюро Швецыі.

Малодшы брат, Паям, як мяркуе следства, падтрымліваў сувязь з ГРУ, перадаваў інфармацыю і атрымліваў золата і грошы. Пры арышце ён разламаў і выкінуў дыск, які затым знайшлі следчыя.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
21.01.2023
Uee hetyja chornyja padazronyja
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера