Знайсці
19.01.2023 / 18:356РусŁacБел

У Польшчы п'яны беларус на BMW трапіў пад цягнік

П'яны 22-гадовы беларус у Польшчы ў мінулыя выхадныя на аўтамабілі BMW паехаў у магазін па спіртное і зваліўся з разгрузачнай рампы проста на чыгуначныя пуці. Праз хвіліну аўтамабіль урэзаўся ў пасажырскі цягнік.

Фота: nowydwor.policja.gov.pl

Здарэнне адбылося каля горада Насельска, прыкладна за 50 км ад Варшавы. Цягнік Мазавецкай чыгункі ўрэзаўся ў заднюю частку аўтамабіля BMW, які стаяў на рэйках.

Высветлілася, што грамадзянін Беларусі кіраваў аўтамабілем на высокай хуткасці, страціў кіраванне транспартным сродкам і зваліўся з разгрузачнай рампы проста на рэйкі. Спачатку кіроўца паспрабаваў з'ехаць з рэек, але, пабачыўшы блізкі цягнік, выскачыў з машыны і ўцёк.

Для машыніста пасажырскага цягніка з'яўленне на пуцях аўтамабіля стала поўнай нечаканасцю. Ён паспрабаваў экстранна затармазіць, але не змог спыніць цягнік і ўрэзаўся ў BMW. У момант інцыдэнту ў вагонах было 30 пасажыраў, ніхто з іх не пацярпеў.

Кіроўцу BMW паліцыя знайшла хутка, ён быў дома.

22-гадовы беларус прызнаўся, што ехаў з крамы, закупіўшы алкаголь, якога яму не хапіла. Ехаў ён на вялікай хуткасці, каля 130 км/г. Калі ж аўтамабіль вылецеў на рэйкі, то спалохаўся і ўцёк дадому.

Алкатэстар паказаў, што кіроўца меў 1,8 праміле алкаголю ў выдыханым паветры. А пасля гэтага высветлілася, што хлопец ужо прыцягваўся да адказнасці.

У выніку раённы суд у горадзе Пултуску наклаў на кіроўцу забарону на кіраванне транспартнымі сродкамі тэрмінам на 36 месяцаў. Але аказалася, што правоў на кіраванне ў беларуса ніколі і не было. Цяпер яму пагражае адказнасць аж да 5 гадоў пазбаўлення волі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
19.01.2023
Хватит пить алкоголь.
0
Максим Дизайнер/адказаць/
20.01.2023
Колхозники пакарают Эвропу. Фулхаус собран. Уставшая 20-и летняя та самая бэшачка, предельная для ее ушатанного мотора скорость, без прав, бухой, наверное прычоска "под насадку", адики. При этом король дороги в 22 года живет в ЕС, есть деньги заправлять этот старый корч, на бухло, и "в связи с ситуацией в стране" какая-то наверное имеется для так сказать, души. Что я в жизни не так делал?
1
Максим Дизайнер/адказаць/
20.01.2023
Wengl,

20-и летний корч с провалившимися сиденьями и полудохлым мотром?2023 год на дворе, а воз, то есть бэшачка прэмиум б/у в этом колхозе и ныне там.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера