Знайсці
22.01.2023 / 22:033РусŁacБел

Італія паставіць Украіне зенітны комплекс, здольны збіваць балістычныя ракеты. Расказваем пра яго

Перадача італа-французскай сістэмы СПА SAMP/T можа здарыцца праз месяц, у шостым пакеце вайсковай дапамогі. Галоўная асаблівасць гэтай вельмі эфектыўнай сістэмы — здольнасць збіваць балістычныя ракеты.

Фота: wikimedia.org

Паводле інфармацыі часопіса La Repubblica, на наступным тыдні Італія прыме шосты пакет вайсковай дапамогі для Украіны. Першапачаткова ў яго павінны былі ўваходзіць больш танныя і простыя ЗРК Aspide, аднак у гэты момант у яго пагадзіліся дадаць сістэмы SAMP/T.

Міністр замежных спраў Італіі Антоніа Таяні ў інтэрв'ю Corriere della Sera заявіў, што перамовы па гэтым пытанні вядуцца з Францыяй. Пра тэрміны перадачы комплексу пакуль не гаворыцца.

«Рыхтуецца шосты пакет, які ўключае сістэмы СПА. Міністр Кулеба падзякаваў за аказаную падтрымку, а я паўтарыў, што яна будзе працягвацца. У супрацоўніцтве з Францыяй мы завяршаем адпраўку SAMP/T. Акрамя гэтага, ёсць іншыя планы, над якімі мы працуем канфідэнцыйна», — сказаў міністр.

Таяні таксама нагадаў, што Італія ўжо перадала Украіне пяць пакетаў вайсковай дапамогі на суму каля 1 млрд еўра.

SAMP/T — гэта супольная распрацоўка Італіі і Францыі, якая можа выкарыстоўвацца для абароны ад беспілотнікаў, крылатых і балістычных ракет малой далёкасці да 600 км, а таксама ад знішчальнікаў. Раней на перадачы такой сістэмы Украіне настойвалі ЗША.

Самалёты яна можа збіваць на адлегласцях да 200 км, а балістычныя ракеты — да 15 км.

Чытайце яшчэ:

Маравецкі: Польшча гатовая стварыць кааліцыю для перадачы Украіне «Леапардаў» без Германіі

ISW: Бахмут не мае стратэгічнага значэння, але ва ўпартай яго абароне сэнс ёсць

Байдэн: Украіна атрымае ўсю неабходную дапамогу для барацьбы з РФ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
22.01.2023
Cikava, kolki batarej ŭvachodzić u skład takoha kompleksa ?
0
Андрэй /адказаць/
23.01.2023
Навіна вельмі добрая. Але з беларускай мовай у НН не надта добра. "Перадача комплексаў можа здарыцца *, можа ўсё ж "адбыцца ". І яшчэ з іншага артылу: "пры выглядзе* інкасатарскага буса " гэта ўвогуле нешта недарэчнае, тут мабыць лепш напісаць "калі пабачылі інкасатарскі бус"
0
денис/адказаць/
23.01.2023
добрая навина, але как говорится хороша ложка к обеду, а не к обедни.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера