Знайсці
27.01.2023 / 15:541РусŁacБел

У Белавежскай пушчы падлічылі ўсіх зуброў

У пушчы жывуць 703 зубры. Колькасць самак большая, чым самцоў. Такія вынікі навукова-даследчых работ па гэтых жывёлах за 2022 год.

Вядомая таксама колькасць зуброў па катэгорыях. Дарослых жывёл 519 асобін (73,8%), маладняку ад года з паловай да трох з паловай гадоў — 107 (15,2%), зуброў, народжаных у гэтым годзе — 77 асобін (11,0%). Сярод поласаспелых асобін самкі пераважаюць над самцамі (57,2 і 16,6% адпаведна).

Такім чынам, на аднаго дарослага самца прыходзіцца тры-чатыры самкі. Такія суадносіны захоўваліся і ў 2021 годзе. За 2022 год змяншэнне ў папуляцыі склала 71 асобіну (10,1% ад студзеньскай колькасці). Сярод іх 43 зубры загінулі і 28 — забілі шляхам селекцыйнага адстрэлу.

Значнае натуральнае змяншэнне колькасці зуброў абумоўленае гібеллю 24-х зуброў пры пераходзе возера паблізу вёскі Новы Двор (праваліліся пад лёд). Пры гэтым не выбраліся з ледзяной вады пераважна маладыя зубры — цяляты і маладняк ад 1 года да 3,5 — 21 асобіна. Астатнія прычыны гібелі адзінкавыя: захворванні мочапалавой сістэмы ў самцоў, знясіленне, фізіялагічная старасць, браканьерства. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Чупакабра/адказаць
27.01.2023
Беленький маленький на фотографии на переднем плане - чупакабра
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1
2345678
9101112131415
16171819202122
23242526272829
3031