Знайсці
30.01.2023 / 13:318РусŁacБел

Летась беларусы ў Польшчы адкрылі амаль у 4 разы больш фірм, чым у 2020-м. Чым там займаюцца беларускія бізнэсоўцы 

У Польшчы дзейнічае каля 5 тысяч бізнэсаў, дзе, прынамсі, адзін з сузаснавальнікаў з'яўляецца беларусам. Амаль траціна з іх з'явілася ў 2022 годзе.

Імклівы рост з 2021 года

Па даных польскага Галоўнага цэнтра эканамічнай інфармацыі, летась у Польшчы зарэгістравалі 1745 фірм з беларускім капіталам. У 2021 годзе такіх было 886. У 2020 і 2019 — 469 і 458 адпаведна. 

Як паказвае статыстыка, імклівы рост колькасці польскіх кампаній з беларускімі каранямі прыйшоўся на паслявыбарныя 2021 і 2022 гады. Апошнія два гады прырост складаў па 90 — 97%.

Найбольшай папулярнасцю сярод беларусаў карыстаецца Мазавецкае ваяводства (Варшава), на долю сталічнага рэгіёна прыходзіцца 53,9% фірм, на другім месцы ідзе Беласточчына з 12,85%, на трэцім Любліншчына — 7,93 %.

Чым беларускі бізнэс займаецца ў Польшчы?

Найбольш папулярным відам дзейнасці сярод беларускіх бізнэсменаў у Польшчы з'яўляюцца аўтамабільныя перавозкі, у гэтай галіне дзейнічае 885 беларусіх кампаній з 4980. У 2021 годзе такіх было 473. Імкліваму росту колькасці транспартных кампаній з беларускімі каранямі спрыяюць санкцыі. Падрабязней пра масавы рэлакейт беларускіх транспартнікаў у Польшчу і Літву «Наша Ніва» пісала раней. 

Чытайце падрабязней: З Беларусі масава рэлакуюцца не толькі IT-кампаніі, але і транспартныя

На другім месцы застаюцца будаўнічыя кампаніі. Такіх у Польшчы па стане на 2022-і працуе 314, у параўнанні з 2021 года прырост не такі заўважны — плюс 65 кампаній.

На трэцім месцы ідзе дзейнасць, звязаная з праграмаваннем, — 296. У ІТ, як і ў транспартнай галіне, за 2022 год быў зафіксаваны амаль двухразовы прырост — плюс 132 за год.

А як з бізнэсам у Беларусі?

Паралельна з ростам колькасці кампаній з беларускім капіталам за мяжой за апошнія два гады ў Беларусі назіраецца скарачэнне колькасці ІП. За мінулы год паменшала на 9 366 прадпрымальнікаў. Нягледзячы на гэта, улады, пачынаючы з 2022 года, працягваюць павялічваць падатковую нагрузку на ІП і скарачаць для іх ільготы па ўнёсках у ФСАН.

Пра заняпад сферы ІТ і грузаперавозак кажа і афіцыйная статыстыка. Так, напрыклад, за 2022 год чысты адток кадраў з ІТ склаў амаль 15 тысяч чалавек. Па выніках мінулага года, унёсак ІТ-сектара ў ВУП склаў мінус 0,2%. Унёсак сектара «транспартная дзейнасць, складзіраванне, паштовая і кур'ерская дзейнасць» — мінус 0,9%. Для параўнання яшчэ ў 2021 годзе ІТ дадалі ВУП плюс 0,7%, транспартная дзейнасць, складзіраванне, паштовая і кур'ерская дзейнасць — плюс 0,1%.

«Наша Нiва» — бастыён беларушчыны

ПАДТРЫМАЦЬ

Чытайце таксама: Беларусь стала рэзка менш купляць абсталявання. Як вайна і санкцыі адбіліся на гандлі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
30.01.2023
Санкцыі забіваюць не рэжым, а народ.
Вы немного перепутали адресатами, Вы не к Беларусам за границей обращайтесь, не к правительству иностранных государств а в Дворец Республики, там отвечают за все что в Республике происходит, они отвечают за внешнюю политику, могут даже решить проблемы с санкциями, а также и ответить Вам если Вы сами понять не можете, как так люди и бизнес стал активно развиваться заграницей. Рекомендую со Дворца спрашивать.
31.01.2023
Санкцыі забіваюць не рэжым, а народ.,калі чалавек падыхае ад голаду і не пратэстуе, не шкада. Так яму і трэба.
0
Woodoo Cult /адказаць/
31.01.2023
гот, а можа так і трэба?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера