Знайсці
31.01.2023 / 10:417РусŁacБел

Расія гандлюе нафтай у гіганцкіх маштабах, нягледзячы на санкцыі

Расійская нафта масава вывозіцца па каналах, якія складана адсачыць, а нафтатрэйдары перамясціліся з Жэневы ў юрысдыкцыі, якія не далучыліся да санкцый.

Фота: Emrah Gurel, AP

Праз год пасля адмовы найбуйнейшых заходніх кампаній ад гандлю і страхавання расійскай нафты з-за вайны ва Украіне на іх месца прыйшлі таямнічыя «прышэльцы» з Ганконга, Дубая, Шры-Ланкі, Індыі і Турцыі. Многія з такіх кампаній ніколі не працавалі ў нафтавай галіне, а іншыя зусім не існавалі.

Выданне The Economist выявіла, што менавіта праз іх Расія абыходзіць санкцыі Захаду і пры кожным новым пакеце абмежаванняў павялічвае абарот «шэрай» нафты.

Згодна з інфармацыяй выдання, новая «ценявая» інфраструктура транспартавання і фінансавання расійскай нафты маштабная. Яна пашыраецца з кожным новым пакетам санкцый. За два месяцы дзеяння «цэнавай столі» нафтавы экспарт з РФ па сваіх аб'ёмах вярнуўся на ўзровень лета 2022 года, толькі цяпер расійская нафта масава вывозіцца па каналах, якія складана адсачыць. 

«Напрыклад, не так даўно ля берагоў Гібралтара былі заўважаныя некалькі вялікіх танкераў, якія раней стаялі ў Персідскім заліве і прымалі груз з расійскіх судоў. Аман і Арабскія Эміраты за 9 месяцаў 2022 года імпартавалі больш расійскай нафты, чым за папярэднія тры гады. Малайзія экспартуе ў Кітай удвая больш нафты, чым сама здольна вырабляць», — піша The Economist.

Назіральнікі за судамі падазраюць, што расійскую нафту змешваюць з «партнёрскай» і перапрадаюць. З пачатку вайны ў Дубаі адкрылася больш за 30 расійскіх гандлёвых кампаній, прычым некаторыя з іх пад новымі імёнамі.

Большая частка расійскай нафты праходзіць праз «ценявыя» сеткі, якія не прызнаюць «цэнавую столь». Аднак гэта не робіць іх незаконнымі, бо яны не выкарыстоўваюць заходнюю лагістычную інфраструктуру.

«Ценявыя» сеткі абапіраюцца на тры галоўныя слупы: новыя кампаніі, уласны танкерны флот і новыя крыніцы фінансавання. Гэты гандаль фінансуецца крэдытамі расійскай дзяржавы, а пасярэднікі плацяць за груз толькі пасля таго, як атрымаюць выручку», — паведамляе выданне.

Раней расійская нафта прадавалася гандлёвымі кампаніямі, якія ў асноўным знаходзіліся ў Жэневе, але большасць з іх ужо пераехала ў больш «сяброўскія» юрысдыкцыі ў краіны, якія не далучыліся да санкцый.

Расія на гэты момант мае ў распараджэнні 360 танкераў і іншых судоў, што складаюць 16% усяго сусветнага флоту, які перавозіць сырую нафту. 

Калі б абсалютна ўсе заходнія кампаніі адмовіліся даваць свае караблі для транспартавання расійскай нафты, вышэйназванага флоту ўсё адно хапіла б Расіі для падтрымання дзеючага ўзроўню гандлю. Аднак флот гэты складаецца з састарэлых караблёў і далёка не ўсе парты прымаюць судны без надзейнага страхавання. 

Чытайце яшчэ:

Еўрасаюз здолеў дамовіцца пра ўвядзенне столі цэнаў на расійскую нафту

Вайна ва Украіне — гэта яшчэ і вайна за тытан

Расія страціла статус энергетычнай звышдзяржавы 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
5
Ха-ха
11
Ого
6
Сумна
3
Абуральна
40
0
святой реверс/адказаць/
31.01.2023
"а также какова прибыль" сопричастных стран
3
Удила закушены, маски и штаны сброшены/адказаць/
31.01.2023
путин закусил удила, они пытаются компенсировать падение цены на нефть, увеличением объёмов продажи по всему миру. Одно дело продавать, в порту отгрузки, по 80-90 баксов за баррель с короткими плечами доставки (логистики), другое дело, по 38-45 баксов за баррель отправляя через Северный и Южный Полюса.
 Но деваться некуда, нужны ресурсы на войну в Украине, на воров во власти, там никто не отменял и не будет отменять объёмы воровства (быстрее переведут население на палёную водку, чем перестанут воровать).
 Считают, что год-два вытянут, а там путинский пудель трамп выйграет, с их помощью, президентские выборы 2024 года в США и остановит помощь Украине, а они будут в шоколаде и в дамках.
 Правда потеряв убитыми тысяч 500 мобиков, да и чёрт с ними, зато Украина будет вогнана в каменный век, а они всех "переиграют" и "победят", сохранив путинскую морду лица.
0
American/адказаць/
02.02.2023
Удила закушены, маски и штаны сброшены, вообще-то путинский пудель это байден который снял санкции с СП2, вывел из Черного моря американский флот, на встрече в швейцарии согласился с захватом росией сухопутного коридора в Крым, перенеся посольство США во Львов и после удара росийской ракетой по территории Польши обьявил что эта ракета украинская дабы не принимать мер против росии. ... 

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера