Знайсці
31.01.2023 / 17:061РусŁacБел

Расія можа дазволіць «Белавія» неабмежаваныя палёты на сваю тэрыторыю

У Расавіяцыі абмяркоўваецца магчымасць дазволіць кампаніі «Белавія» неабмежаваныя палёты на тэрыторыю Расіі. Але расійскія авіякампаніі настойваюць, што тады аналагічныя ўмовы павінны быць дадзеныя і ім, піша «Камерсант».

Крыніца выдання, блізкая да расійскага Мінтрансу, удакладніла, што гаворка ідзе пра зняцце абмежаванняў для беларускага боку па колькасці рэйсаў і даступных ім напрамкаў у расійскія гарады. Кабатаж (палёты з Мінска і далей унутры РФ) і «сёмая свабода неба» (рэйсы накшталт Мінск — Санкт-Пецярбург — Тбілісі) пакуль не прадугледжваюцца.

Зрэшты, сэнс такіх прэферэнцый для беларусаў можа быць у перспектыве: калі Расіі спатрэбіцца кабатаж ад замежных кампаній з-за старэння флоту. Праўда, пасля накладзеных на «Белавія» ў 2021 годзе санкцый ЕС яе парк скараціўся з 29 да 13 самалётаў, з якіх восем Boeing і пяць рэгіянальных Embraer.

Для расійскіх авіяперавозчыкаў выгаднай стане магчымасць нарошчвання перавозак з рэгіёнаў Расіі ў Мінск для пералёту ў Грузію. Гэта адзіная канкурэнтная перавага ў геаграфіі палётаў «Белавія». Асноўны паток з Масквы і Санкт-Пецярбурга, верагодна, усё адно паляціць праз Ерэван, але «ў любым выпадку, пасажыр выйграе ў цане», адзначылі суразмоўцы выдання.

Удзельнікі расійскага рынка заявілі журналістам, што ў расійскіх рэгіёнах недастатковы попыт, каб лётаць у Мінск на самалётах вялікай умяшчальнасці. Таксама шэраг кампаній паскардзіліся на аэрапорт Мінска, які дагэтуль прапануе ім абслугоўванне па тарыфах для замежных перавозчыкаў. Тым часам «Белавія» ў аэрапортах Расіі плаціць па расійскіх тарыфах.

Чытайце таксама:

WSJ: ЗША запатрабавалі ад Турцыі забараніць беларускім і расійскім авіякампаніям палёты ў краіну на «Боінгах»

«Белавія» запускае чартарныя рэйсы ў Катар

Дзяўчына задала пытанне, якое «ўзарвала» суполку беларусаў Германіі 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
01.02.2023
Что белавиа что аэрофлот это самые опасные для полетов компании которые уже сняты с тех обслуживания мировыми авиабрендами. Весь их удел разборка и донорство гаражное. Удачи вата)
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера