Знайсці
31.01.2023 / 23:478РусŁacБел

«Мабыць, цяпер я б не пагадзілася ехаць пад нейтральным сцягам». У сям'і Смольскіх запыталіся, як яны бачаць спартыўную будучыню

У біятланістаў зборнай Беларусі Антона Смольскага і яго жонкі Дынары Алімбекавай-Смольскай на «Беларусь 5» спыталіся, што яны думаюць пра магчымасць вяртання на міжнародныя спаборніцтвы ў нейтральным статусе. 

Дзінара Алімбекава-Смольская і яе муж Антон Смольскі. Фота: старонка ў Instagram Дзінары Алімбекавай

Антон Смольскі лічыць, што «гэта зноў палітызацыя», але «гэта не нам вырашаць».

Маўляў, для гэтага ёсць «больш глабальны узровень»: «Проста калі да нас прыходзіць трэнер і кажа: «Вось мы едзем».

У яго жонкі пазіцыя менш «згодніцкая»: «Я за тое, каб мы выступалі ўсе ў роўных умовах. Калі мы едзем спаборнічаць, то едзем, як і ўсе астатнія».

І хоць таксама прызнала, што пытанне складанае, заявіла: «Мабыць, цяпер я б не пагадзілася ехаць пад нейтральным сцягам».

Між тым, як выглядае, пытанне, каб расійскім спартсменам ехаць на Алімпіяду пад трыкалорам, а беларускім — пад чырвона-зялёным сцягам рэжыму Лукашэнкі, цяпер не стаіць увогуле. Максімум, на што гатовы Міжнародны алімпійскі камітэт — гэта дапусціць атлетаў з Расіі і Беларусі да ўдзелу ў Алімпійскіх гульняў у нейтральным статусе, і тое пасля «індывідуальнай праверкі» з пакуль незразумелымі крытэрыямі.

Але і гэта пакуль пад вялікім сумневам, бо супраць такога вырашэння пытання збіраецца вялікая апазіцыя на чале з Украінай, якая пагражае ў выпадку допуску беларускіх і расійскіх спартсменаў нават пад нейтральным сцягам байкатаваць мерапрыемства. Супраць і Беларускі фонд спартыўнай салідарнасці, які выступае за тое, каб дапусціць да гульняў пад нейтральным сцягам толькі спартсменаў з ярка выяўленай антываеннай і антылукашэнкаўскай/антыпуцінскай пазіцыямі. 

У такім выпадку Смольскім удзел у спаборніцтвах не пагражае, бо іх пазіцыя — праўладная, і яны неаднаразова яе дэманстравалі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Бел/адказаць/
01.02.2023
Безхребетные аморальные послы таракана и его дюдоедского режима. А что они же просто ногами подрыгают, они же спортсмены вне политики, и им пофиг за кого и под каким флагом хоть под руzzким хоть фащистским (красно-зеленым). Племя соглашательное и покорное…
01.02.2023
Можно было бы сказать, что спорт вне политики если бы в Беларуси не заставляли подписывать провластные письма, а тех кто не подписывал не допускали к соревнованиям. Помню даже сайт был, где публиковали фамилии, но долго он не прожил
0
Николай/адказаць/
01.02.2023
Эти «спортсмены» кишат существами в погонах в том числе кгб. Об этом все забывают (не знают) но это факт. И вот эти ряженные ездят по всему миру с миссией известной только их конторе.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера