Знайсці
01.02.2023 / 22:372РусŁacБел

ЗША ўдарылі па сетцы, якая дапамагала Расіі і Беларусі абыходзіць санкцыі. Згадваецца і Аляксандр Зайцаў

ЗША прынялі меры супраць 22 фізічных і юрыдычных асоб у розных краінах, звязаных з сеткай ухілення ад санкцый, якая падтрымлівала вайскова-прамысловы комплекс Расіі і Беларусі, паведаміла ў сваім прэс-рэлізе Міністэрства фінансаў ЗША.

Сцвярджаецца, што сеткай кіраваў гандляр зброяй Ігар Зімянкоў, які базіруецца ў Расіі і на Кіпры. Ён цесна супрацоўнічаў са сваім сынам Джонатанам Зімянковым і шырокай сеткай фізічных і юрыдычных асоб, каб забяспечыць продаж расійскай абароннай прадукцыі ўрадам трэціх краін. У сетку Зімянкова ўваходзілі арганізацыі, якія знаходзяцца ў Расіі, Латвіі, Сінгапуры, Балгарыі, Ізраілі і на Кіпры.

Акрамя паставак зброі, Зімянковы дапамагалі пастаўляць у РФ высокатэхналагічнае абсталяванне. У тым ліку яны супрацоўнічалі з дзяржкарпарацыямі «Растэх» і «Расабаронэкспарт», якія знаходзяцца пад санкцыямі.

Таксама ў спіс трапіў кіпрскі збройны брокер Аляксандр Вальфовіч, які з'яўляецца зарэгістраваным уладальнікам шасці кампаній у «сетцы Зімянкова», а таксама двое ягоных сыноў — Станіслаў Вальфовіч і Арыэль Вальфовіч. Адносна іх паведамляецца, што яны «іграюць кіруючыя ролі ў арганізацыях «сеткі Зімянкова».

Сярод сямі кампаній Зімянкова — GBD, якая займалася пастаўкамі зброі ў краіны Афрыкі, чатыры кіпрскія фірмы Mateas, Kliosa, VFC Solutions і GMI Global Manufacturing & Integration, а таксама балгарская U-Stone і ізраільская D. E. S. Defense Engineering Solutions.

Таксама, паводле інфармацыі Мінфіна ЗША, Ігар Зімянкоў падтрымаў «беларускі вайскова-прамысловы комплекс, спрыяючы продажу беларускага абароннага прадпрыемства ДВТУП «Белспецзнештэхніка» ў Лацінскай Амерыцы», якое знаходзіцца пад санкцыямі.

Акрамя таго, у прэс-рэлізе згадваецца падсанкцыйны беларускі бізнэсмен Аляксандр Зайцаў, які з'яўляецца, паводле выкладзенай інфармацыі, дзелавым партнёрам «высокапастаўленага супрацоўніка «сеткі Зімянкова» Маркса Блатса.

Чытайце таксама:

Лукашэнкаўскі «бізнэсмен удачы» Аляксандр Зайцаў стаў рыцарам папскага ордэна. У гэтай гісторыі ёсць нюансы

Бізнэсовец Зайцаў зарэгістраваў «Белкосмас»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
01.02.2023
Америка спасибо! Надо еще потереть и будут видны уши Александра Зингмана и Шеймана.
0
Уже трут/адказаць/
02.02.2023
Й,потрут, обязательно потрут, не зря шкловско-александрийский самородок, лично, мотался в Зимбабве.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера