Знайсці
06.02.2023 / 08:25РусŁacБел

FT: Расія рыхтуе маштабны наступ у бліжэйшыя 10 дзён

На працягу наступных 10 дзен Расія плануе пачаць новае маштабнае наступленне. Пра гэта піша выданне Financial Times са спасылкай на неназванага дарадцу УСУ. Мэтай расійскага наступлення выданне называе акупацыю ўсяго Данбаса.

Фота: AP

Кіеў атрымаў «вельмі надзейныя даныя разведкі» пра намер РФ пачаць новы наступ. Паведамляецца, што наступ расійскага войска можа пачацца ў раёнах гарадоў Крамянная і Ліман, дзе расіяне ўжо некалькі тыдняў канцэнтруюць вялікія сілы.

Акрамя таго, Крэмль нарошчвае колькасць сваіх войскаў на поўдні Данецкай вобласці, перакідаючы дадатковыя сілы ў населеныя пункты вакол Марыупаля.

Мэтай расійскага наступлення выданне называе акупацыю ўсяго Данбаса.

Ананімны дарадца УСУ таксама паведаміў FT, што наступ расіян, верагодна, узначаляць элітныя падраздзяленні.

Напярэдадні міністр абароны Украіны Аляксей Рэзнікаў заявіў, што Кіеў чакае новы наступ Расіі да канца лютага, але гатовы яго стрымліваць. Рэзнікаў сказаў, што наступ можа быць прымеркаваны да гадавіны пачатку вайны.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера