Баранавіцкага актывіста Мікалая Чарнавуса арыштавалі на 15 сутак
Учора, 7 лютага, у Баранавічах адбыўся суд над Мікалаем Чарнавусам-малодшым. Яго абвінавацілі ў «распаўсюдзе экстрэмісцкіх матэрыялаў» паводле арт. 19.11 КаАП. Суддзя Арцём Падалянец прызнаў Мікалая вінаватым і прызначыў яму 15 сутак арышту, піша «Вясна».
Па папярэдняй інфармацыі, супраць Чарнавуса-малодшага ўзбуджана крымінальная справа паводле арт. 368 КК (абраза Лукашэнкі).
Мікалая Чарнавуса затрымалі 2 лютага ў Баранавічах, дома правялі ператрус.
Прыкладна а 6-й раніцы каля 10 сілавікоў у бронекамізэльках са зброяй атачылі прыватны дом, а потым пералезлі цераз плот і гучна пачалі грукаць у вокны з патрабаваннем адчыніць дзверы. Пасля ператрусу Мікалая вывелі ў кайданках з рукамі за спінай.
0
1
0
0
0
4
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера