Знайсці
09.02.2023 / 22:552РусŁacБел

Індыец ехаў з Літвы праз Беларусь на вяселле ў Маскву з чужым пашпартам

Беларускія памежнікі 7 лютага ў пункце пропуску «Каменны Лог» на беларуска-літоўскай мяжы затрымалі грамадзяніна Індыі, які ехаў аўтобусам у Мінск з Вільні. Аказалася, што ў яго чужы дакумент.

Скрыншот з відэа

Як паведамляе прэс-служба ДПК, парушальнік змог прайсці па чужых дакументах літоўскую мяжу, але ў Беларусь незаконна патрапіць не змог.

«Спецыяльная праверка паказала — дакумент належыць іншаму чалавеку», — паведамляюць памежнікі.

Затрыманы, 28-гадовы грамадзянін Індыі, паведаміў, што ехаў да сябра ў Маскву на вяселле. А паколькі два гады таму яго дэпартавалі з Беларусі, то ён узяў з сабой чужы пашпарт.

У дачыненні да іншаземца распачалі адміністрацыйны працэс, за спробу незаконнага перасячэння мяжы яму пагражае чарговая дэпартацыя з забаронай уезду ў Беларусь на 5 гадоў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
09.02.2023
а литоуцы куды глядели??
0
Максим Дизайнер/адказаць/
10.02.2023
Счастливчик!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера