Знайсці
15.02.2023 / 17:552РусŁacБел

Што дае піццё кавы з куркумай

Куркума — карысная прыправа.

Фота: pixabay.com

Навукоўцы лічаць, што куркума мае процізапаленчыя ўласцівасці. Да кавы з куркумай часта дадаюць карыцу.

Шмат людзей расказвае, што ад кавы з куркумай яны весялеюць, і ў гэтага эфекту ёсць навуковае тлумачэнне. Даказана, што куркума дапамагае палепшыць настрой, а кафеін дадаткова стымулюе арганізм. Таксама вядома, што куркума дапамагае рэгуляваць узровень цукру ў крыві, што асабліва важна для людзей з дыябетам 2 тыпу. 

Яшчэ адзін плюс куркумы — яна паляпшае працу сэрца, а ў камбінацыі з карыцай і імбірам дапамагае пры высокім халестэрыне і крывяным ціску. Гэтая спецыя аблягчае дыскамфорт у стрававальным тракце, звязаны з сіндромам раздражнёнага кішэчніка і яго сімптомамі: дыярэяй, уздуццем жывата і балючымі спазмамі страўніка.

Іншае даследаванне прыйшло да высновы, што куркума можа палегчыць сімптомы язвавага каліту.

Нарэшце, куркума мае антыбактэрыяльныя ўласцівасці, яшчэ яна багатая на антыаксіданты.

Некаторыя дактары лічаць, што куркума эфектыўная пры хваробах скуры накшталт акнэ, псарыязу і экземы. Гэтая тэма пакуль што не надта даследаваная, але навукоўцы мяркуюць, што ў камбінацыі з дэрматалагічнымі лекамі куркума магла б прынесці карысць.

Ёсць, аднак, у куркумы і вялікі мінус — яна дрэнна засвойваецца арганізмам. Разам з кавай куркума засвойваецца яшчэ горш, бо кіслотнасць кавы пагаршае растваральнасць спецыі, але ёсць спосабы гэта выправіць. Па-першае, можна дадаць у каву з куркумай тлушч, напрыклад, малако, таму куркуму часта дадаюць да латэ. Па-другое, куркума лепш засвойваецца, калі дадаць да кавы з ёй трошкі перцу.

Чытайце таксама: Не кожная кава — карысная

Кафеін робіць чалавека больш схільным да трат. Вось як гэта працуе

Як заварваць зялёную гарбату? Вось што важна ўлічваць

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
15.02.2023
Напэўна першы мой сапраўды карысеы каментар. Куркумін і імбір у таблетках з перцам (дзеля лепшага засваення) гэта добры сродак паменшыць боль у артрытных суставах. Трэба доўга піць, некалькі месяцаў да першых вынікаў. Гэта дакладна працуе. Але! Куркумін можа паўплываць на гемаглабін - паменшыць. Гэта таксама дакладны факт. Так што ржч вельмі карысная, але пажадана з кантролем крыві.
3
Ферзь/адказаць/
15.02.2023
Кава павінна заставацца кавай. Клясыка й кансэрватызм ва ўсім і заўжды ! Дадаючы розную парахнечу ў напой, вы робіце яму балюча !
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера