Знайсці
23.02.2023 / 22:371РусŁacБел

«Небяспечны». Еўракамісія забараніла сваім супрацоўнікам карыстацца TikTok на ўсіх прыладах

ЗША ўжо таксама забаранілі сваім дзяржслужачым карыстацца TikTok з-за пагрозы сачэння: кітайскае кіраўніцтва можа мець прамы доступ да ўсіх асабістых даных гэтай праграмы.

Фота: vecteezy

Еўракамісія настойліва рэкамендавала ўсім сваім супрацоўнікам і афіцыйным асобам Еўрасаюза выдаліць мабільную праграму TikTok з усіх службовых і асабістых прылад. Пра гэта 23 лютага паведаміла выданне EurActiv са спасылкай на IT-службу Еўракамісіі.

Стала вядома, што супрацоўнікі ЕК у чацвер раніцай атрымалі паведамленні, у якіх ім рэкамендавалі пазбавіцца ад TikTok не пазней за 15 сакавіка. У адваротным выпадку супрацоўнікі страцяць доступ да працоўнай электроннай пошты, службовага Skype і іншых праграм, звязаных з унутранай інфармацыяй ЕК.

«Для абароны ўнутранай інфармацыі і павышэння ўзроўню кібербяспекі Еўракамісія вырашыла прыпыніць працу мабільнай праграмы TikTok на службовых і асабістых прыладах, зарэгістраваных у базе даных ЕК. Гэтая праграма нясе патэнцыйную пагрозу кібербяспецы», — гаворыцца ў разасланых паведамленнях.

Нагадаем, што раней улады Еўрасаюза папярэджвалі аб магчымай забароне TikTok у Еўропе з-за яго неадпаведнасці законам ЕС аб лічбавых паслугах. Пры гэтым ЗША ўжо таксама забаранілі сваім дзяржслужачым карыстацца TikTok з-за пагрозы сачэння: кітайскае кіраўніцтва можа мець прамы доступ да ўсіх асабістых даных гэтай праграмы.

Чытайце яшчэ:

Трэнды TikTok: чаму цяпер на платформе папулярна ўсё бэжавае і «эстэтычнае»? 

Амерыканскія навукоўцы прыдумалі, як візуальна сачыць за людзьмі па WiFi замест камер. Аказваецца, беларусы прэзентавалі падобны метад 6 год таму

Google расказаў пра 12 небяспечных праграм для Android. Вось чаму іх трэба выдаліць зараз жа

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Kastuś Łokchija/адказаць/
23.02.2023
pravilna maderacyja pastupiła
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера