Знайсці
01.03.2023 / 20:112РусŁacБел

«Усе лаўкі занятыя падлеткамі». Як моладзь спрабавала сабрацца ў цэнтры Магілёва на заклік «ПВК Родан»

Пра тое, як выглядаў збоку падлеткавы сход, расказалі яго сведкі.

Затрыманне моладзі ў Гомелі. Ілюстрацыйнае фота

Масавыя затрыманні ў Гомелі, дзе напярэдадні было схоплена 200 чалавек і нават распачатая крымінальная справа «за арганізацыю дзеянняў, якія груба парушаюць грамадскі парадак», не напалохалі прыхільнікаў анімэ-субкультуры «ПВК Родан» у Магілёве.

Падлеткі паспрабавалі сабрацца 1 сакавіка а 16-й гадзіне каля гандлёвага цэнтра «Атрыум». Пляцоўку перад ім у 2021 годзе назвалі плошчай Адзінства. Раней з яе пачыналіся маршы пратэсту.

«Цэнтр горада з пешаходнай вуліцай Ленінскай патрулююць міліцыянты. Перыметр пляцоўкі перад «Атрыумам» пільнуюць людзі ў цывільным з характэрнай для сілавікоў знешнасцю. На ёй самой перыядычна зʼяўляецца міліцэйскі нарад з дубінкамі», — кажа адзін са сведкаў.

Падлеткі стаяць па вуглах плошчы кампаніямі да дзесяці чалавек. Калі іх збіраецца больш, то падыходзяць міліцыянты і моладзь разыходзіцца, каб зноў сабрацца ў іншым месцы. Усе тутэйшыя лаўкі занятыя падлеткамі.

«Іх узрост ад 13 да 16 гадоў. У кампаніях падлеткаў ёсць дзяўчаты. У самім гандлёвым цэнтры прагульваюцца групкі маладзёнаў. Там таксама ходзіць міліцыя ў форме і ў цывільным», — працягвае аповед мужчына.

Плошча Адзінства, дзе спрабавала сабрацца моладзь. Фота: mogilew.by

Паводле яго, ад 16 да 17 гадзін ля «Атрыума» было пад сотню маладзёнаў.

«У іх паводзінах не адчуваецца страху, хіба толькі насцярожанасць», — адзначае яшчэ адзін магілёвец.

Ён кажа, што калі міліцыянты падыходзілі да адной групы, то астатнія выцягвалі шыі і прыслухоўваліся, каб вызначыць, што трэба рабіць.

«Уцякаць ці заставацца. Відаць, так хочуць адчуць адрэналін. Моладзь дужа ўзбуджаная», — заўважае мужчына.

Некаторыя маладзёны заяўлялі, што іх ужо называюць тэрарыстамі.

Ці былі затрыманні, нашы суразмоўцы не бачылі.

«Магчыма, хапаць моладзь пачнуць з надыходам цемры або калі нехта выявіць з іх актыўнасць. Можа знойдзецца такі трыгер. Нешта мусіць запусціцца. Можа, бліжэй да надвячорка групкі павялічацца», — выказаўся яшчэ адзін магілёвец.

«Але моладзь дужа зараджаная. У іх, у адрозненне ад дарослых, страху няма», — гэтак жа адзначае ён.

Напярэдадні ў школах праводзіліся прафілактычныя гутаркі. Вучняў страшылі праблемамі, калі пасля вучобы яны не пойдуць па хатах. Строга гаварылі і з бацькамі.

«ПВК Родан» не мае нічога агульнага з вайсковымі кампаніямі. Гэта падлеткавая субкультура, для якой характэрны культ грубай сілы і аматары якой ужо заўважаныя ў некалькіх масавых бойках. Спачатку сутычкі падлеткаў з удзелам «ПВК Родан» адбыліся ў Расіі, потым перакінуліся ва Украіну. На гэты момант украінскія праваахоўнікі высвятляюць, ці ёсць расійскі след у гэтай субкультуры.

«Наша Нiва» — бастыён беларушчыны

ПАДТРЫМАЦЬ

За «папулярызацыю субкультуры «ПВК Родан» затрымлівалі папулярную тыктокерку

«ПВК Родан» ужо ў Мінску. Плануюць сустрэчу на Каменнай Горцы

У Гомелі і Магілёве аднамомантна з’явіліся паблікі небяспечнай моладзевай субкультуры «ПВК Родан»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Хредан /адказаць/
01.03.2023
Какой там культ грубой силы. Вы уже оршанских районщиков конца 80-ых не помните или битвы между околофутбольщиками Динамо и МТЗ чуть более десятилетия назад. Там действительно драки были серьезные. Сейчас всех так под плинтус загнали что потешной школоте приписывают культ грубой силы.
01.03.2023
Ну і добра. Той выпадак, калі міліцыя зрабіла справу, паматлашыла нейкую маскоўскую субкультуру.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера