Знайсці
04.03.2023 / 11:1415РусŁacБел

Канцэрн Rheinmetall хоча пабудаваць танкавы завод ва Украіне

Нямецкі зброевы канцэрн Rheinmetall вядзе перамовы аб будаўніцтве танкавага завода ва Украіне. Пра гэта заявіў кіраўнік кампаніі Армін Папергер, піша «Еўрапейская праўда» са спасылкай на Spiegel.

Фота: Rheinmetall

«Завод Rheinmetall можа быць пабудаваны ва Украіне прыблізна за 200 мільёнаў еўра», — заявіў Папергер. 

Паводле яго, завод мог бы вырабляць да 400 асноўных баявых танкаў тыпу «Panther» за год. Перамовы з украінскім урадам ён назваў «шматабяцальнымі». Папергер спадзяваецца на рашэнне «на працягу наступных двух месяцаў».

Panther — гэта канцэпт новага танка, які канцэрн Rheinmetall прадставіў летам 2022 года. Гэта — распрацоўка на аснове Leopard 2, больш зручная для краін, якія ўжо маюць на ўзбраенні «Леапарды». Украіна, як вядома, у наступныя месяцы можа атрымаць першыя такія танкі ад саюзнікаў.

Кіраўнік Rheinmetall перакананы, што завод можна абараніць ад расійскіх паветраных налётаў. «Абарона з дапамогай супрацьпаветранай абароны не будзе складанай», — сказаў ён.

Папергер лічыць, што для перамогі Украіне трэба ад 600 да 800 танкаў. «Нават калі Германія адмовіцца ад усіх 300 танкаў Leopard 2, якія ёсць у Бундэсвера, гэтага ўсё роўна будзе занадта мала», — сказаў ён.

На сённяшні дзень Rheinmetall выпускае каля 250 танкаў. «Мы працуем на поўнай хуткасці. Мы ўжо ўвялі ў эксплуатацыю больш за 40 баявых машын пяхоты Marder, а да канца года іх будзе каля 100. З 50 танкаў Leopard 2A4 гатовыя каля 30. Таксама ёсць каля 100 старых мадэляў Leopard 1, з якіх мы можам аднавіць 88 машын», — сказаў Папергер.

Ён лічыць, што вайна зацягнецца, верагодна, на гады. «Заходнія саюзнікі дасылаюць туды дастаткова зброі, каб Украіна магла абараніць сябе, але сёння ўкраінцы не маюць дастаткова яе, каб поўнасцю адваяваць сваю тэрыторыю», — растлумачыў ён.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
18
Панылы сорам
0
Ха-ха
0
Ого
1
Сумна
1
Абуральна
1
0
А не пошел бы ты н**** вслед за руzzким кораблем/адказаць/
05.03.2023
Valadzimir, ты своим комментарием в стиле рашистской пропагандой прям слово в слово процитировал Геббельса и нацистские призывы, которые сейчас используют рашисты и рупор их пропаганды - Valadzimir
1
Максим Дизайнер/адказаць/
06.03.2023
Накроют всех строителей, не успеют фундамент залить. С медведями шутки плохи. Мало того, что накачивают оружием, так еще и заводы решили построить.
0
Питерская подворотня/адказаць/
06.03.2023
Максим Дизайнер, ахаха, какие медведи??? Там одни рашистские холуи со шваброй в одном месте, которые не способны реализовать себя в нормальной сфере. И рашка из кинет и забудет через пару лет, точно также как кинула и забыла «ветеранов» афгана и чеченских воин. Сейчас эти «медведи» без ног собирают милостыню и подачки в переходах и возле входов в московское метро.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031