Знайсці
14.03.2023 / 23:231РусŁacБел

У Мелітопалі ўзарвалі машыну з яшчэ адным калабарантам

У цэнтры акупаванага расійскімі войскамі Мелітопаля Запарожскай вобласці прагрымеў моцны выбух. Быў падарваны аўтамабіль мясцовага калабаранта Івана Ткача, які арганізоўваў перавозку наймітаў «Вагнера» і УС РФ да лініі фронту ў Запарожскай вобласці, паведамляе «Украінская праўда». Сам Ткач загінуў пры выбуху.

Фота: РІА Мелітопаль

Выбух адбыўся ў двары жылога дзевяціпавярховіка і спачатку СМІ паведамлялі, што забіты быў нейкі «чыноўнік». Што гэта за чыноўнік, называліся розныя версіі.

Урэшце крыніцы «Украінскай праўды» ў СБУ паведамілі, што гаворка ідзе пра Івана Ткача, якога з пачатку верасня 2022 года акупанты прызначылі на пасаду дырэктара «муніцыпальнага ўнітарнага прадпрыемства «Гарадскі транспарт» вайскова-цывільнай адміністрацыі горада Мелітопаль».

У СБУ таксама расказалі, што з пачатку сакавіка 2022 года, то-бок з самага пачатку вайны Ткач ініцыятыўна заняўся арганізацыяй гарадскіх пасажырскіх перавозак. Ён наладзіў транспартныя зносіны з Крымам, Данецкай і Луганскай абласцямі, пра што адкрыта паведамляў у прапагандысцкіх відэа. Пры гэтым ён таксама займаўся арганізацыяй перамяшчэння асабовага складу УС РФ з Данецкай, Херсонскай абласцей і Крыма ў Запарожскую вобласць і назад. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
стоп рашизм/адказаць/
14.03.2023
такая учесть ждет каждого рашистского коллаборанта, оккупанта и агрессора!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера