Знайсці
16.03.2023 / 21:342РусŁacБел

«Абставіны не дазваляюць прыняць іншае рашэнне». Германія адмовілася прымаць спаборніцтвы з-за допуску да іх расіянак і беларусак

Германія адмовілася прымаць этап жаночага Кубка свету па фехтаванні з-за допуску да спаборніцтваў спартсменак з Беларусі і Расіі. Прэзідыум Федэрацыі фехтавання Германіі (DFB) праінфармаваў пра гэта Сусветную федэрацыю фехтавання (FIE).

Фота ілюстрацыйнае

Этап Кубка свету па фехтаванні на рапірах сярод жанчын павінен быў прайсці ў маі ў горадзе Таўбербішафсхайм. Але не пройдзе.

«Дыскусіі апошніх некалькіх дзён пасля пастановы Кангрэса FIE зноў дазволіць удзел Расіі і Беларусі выклікалі гарачыя дыскусіі як унутры краіны, так і за яе межамі», — растлумачыла кіраўніца Федэрацыі фехтавання Германіі Клаўдыя Бокель.

«Мы хочам паслаць выразны сігнал, што мы аддалі б перавагу іншаму выніку і што мы ўсё яшчэ бачым вялікую колькасць адкрытых пытанняў па рэалізацыі, таксама з боку сусветнай федэрацыі, якія робяць немагчымым правядзенне турніру… Як бы нам ні хацелася прадставіць нашых найлепшых спартсменак нямецкай публіцы і даць ім магчымасць выкарыстоўваць дамашнюю перавагу на шляху да Алімпійскіх гульняў у Парыжы, абставіны не дазваляюць прыняць іншае рашэнне».

10 сакавіка на пазачарговым кангрэсе Міжнароднай федэрацыі фехтавання было прынятае рашэнне дазволіць спартсменам з Беларусі і Расіі ўдзельнічаць у спаборніцтвах пад эгідай федэрацыі. За рашэнне прагаласавала 89 чалавек, супраць — 46.

У Міжнароднай федэрацыі фехтавання традыцыйна моцныя расійскія ўплывы, шмат гадоў яе ўзначальваў вядомы расійскі алігарх Алішэр Усманаў.

Чытайце таксама:

Вялікабрытанія поўная рашучасці не дапусціць удзелу беларускіх і расійскіх спартсменаў у Алімпіядзе

Міжнародная федэрацыя фехтавання ўхваліла вяртанне спартсменаў з Беларусі да ўдзелу ў спаборніцтвах

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Чемодан налички/адказаць/
17.03.2023
Не только гутериуш, папа римский, си, раньше макрон и чиновники брюссельских структур, МАГАТЭ, огут рассчитывать на чемоданы налички из Кремля, но и спортфункционеры всевозможных спортивных федерации и комитетов.
 А немцам респект !
0
Эннот/адказаць/
17.03.2023
[Рэд. выдалена]
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера