Знайсці
17.03.2023 / 12:434РусŁacБел

Былы кіраўнік Віцебшчыны пра вылучэнне ў старшыні АБФФ: Ніжэй за дно не апусцішся

Чыноўнік Мікалай Шарснёў распавёў пра тое, што ён будзе балатавацца на пасаду старшыні асацыяцыі «Беларуская федэрацыя футбола». 

— Перш за ўсё не буду хаваць, сама прапанова балатавацца стала для мяне нечаканасцю. Тым не менш канстатую факт: Віцебская федэрацыя футбола вылучыла маю кандыдатуру. А далей, усё ўзважыўшы, усё абдумаўшы, я пагадзіўся, бо зразумеў — гэта цікава, гэта добры выклік!

Вядома, назваць мяне экспертам, гэта значыць чалавекам, які дасканала разбіраецца ў футболе, — не зусім правільна. Аднак я з таго часу, калі футбол перажываў бум і быў па-сапраўднаму масавым відам спорту. Каля кожнага шматкватэрнага дома — «паляна». Спаборніцтвы праходзілі паўсюдна. Паміж школамі, раёнамі, арганізацыямі. Сапраўды велізарная цікавасць, на піку якой знаходзілася лепшая каманда рэспублікі — мінскае «Дынама». Гэта першая прэпазіцыя.

Маё меркаванне такое: для адраджэння цікавасці да футбола ў краіне неабходна павысіць канкурэнцыю так, каб кожны матч чэмпіянату ўтойваў у сабе непрадказальную інтрыгу. А вось асуджанасць на паражэнне, якая існуе сёння, гэта наймацнейшая ломка для любога спартоўца, якая пазбаўляе яго натхнення. У корані няправільна. На полі павінны біцца ці, як кажуць у народзе, «рэзацца» суадносныя па класе апаненты. Тады і майстэрства будзе расці, і заўзятар вернецца на трыбуны.

Абдумаўшы прапанову Віцебскай федэрацыі футбола ў такім ключы, і прыняў рашэнне даць згоду балатавацца. Чаму не я?! У нас ёсць кіравальнасць у краіне. Мы можам усё. У тым ліку адрадзіць масавы і дзіцячы футбол, што таксама вельмі важны момант. Інтарэсы дзяржавы, футбольнага актыву і бацькоў супадаюць: трэба выхаваць актыўнага, прыстойнага, моцнага целам і духам чалавека.

На мой погляд, чаго ў беларускім футболе відавочна не хапае — дык гэта кантролю.

Ён павінен быць! Зразумела, без культу фармалізму. У тым ліку ў адносінах да прыватных футбольных школ. Бацькі таксама не аддадуць сваё дзіця туды, дзе ўсё беспрасветна. Але галоўныя, базавыя прынцыпы павінны быць дакладна прапісаны. Метадалагічная літаратура — гэта менавіта пра гэта.

Дарэчы, я ніколі не браўся за ўжо ідэальна пастаўленую справу, якую трэба толькі падтрымліваць. Наадварот, браў пазіцыі «ніжэй за дно не апусцішся», каб прапаноўваць нестандартныя, часам фантастычныя рашэнні, якія зусім не заўсёды знаходзілі пазітыўны водгук.

Таму я веру ў сябе і ў сваю магчымасць сфарміраваць каманду аднадумцаў, у якую ўвойдуць не толькі людзі з АБФФ. Абласныя і раённыя федэрацыі, упраўленні спорту, фізічнай культуры і турызму, трэнеры і гульцы, журналісты і энтузіясты футбола. Усё дзеля карысці і развіцця вялікай гульні. І хай гэта прагучыць пафасна, але так падсумую нашы зносіны: калі я бяруся за справу — я яе даводжу да розуму! — сказаў Шарснёў.

Справаздачна-выбарная канферэнцыя АБФФ пройдзе 22 сакавіка.

Раней паведамлялася, што цяперашні старшыня федэрацыі Уладзімір Базанаў падаў заяўку на ўдзел у пераабранні, аднак альбо за некалькі дзён да выбараў, альбо непасрэдна ў дзень канферэнцыі адкліча сваю кандыдатуру, а ўзамен атрымае пасаду першага намесніка федэрацыі.

Такім чынам выбары пройдуць на безальтэрнатыўнай аснове.

Падымаць футбол даручаць аграрыю-гіравіку — «Трыбуна»

Беларускіх футбалістаў прагоняць праз ідэалагічны таварыскі суд. Хто каго будзе судзіць?

Алена Леўчанка і Аляксандра Герасіменя абурыліся спартовым фондам, які выкарыстоўвае іх імёны. Там адказалі

Пяць гадоў найгучнейшаму беларускаму золату ў біятлоне. Дзе цяпер тыя, хто яго здабыў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
ВитеБлянин или ВитеБчанин/адказаць/
17.03.2023
Этот витебский персонаж столько наломал в бытность своего председательства. Умеет щелкать каблуками, гирю поднимать, ругаться матом. Больше ничего не умеет. Витебск экономически умер при нем, при этом болване оформил экономическое банкротство.
5
Максим Дизайнер/адказаць/
18.03.2023
даведка

А так бы превратилось в болото или в пустырь, заваленный бутылками, благодаря местным хатаскрайникам. Сколько раз на том поле в футбол играл?Ясно, последний раз - в детстве. Деньги борщеарке все отдал?
0
даведка/адказаць/
21.03.2023
Во времена моего детства там был голый утрамбованный жвир, что не мешала нам гонять мяч с риском травмирования, а уже позже поле засеяли газонной травой, для чего было затрачено много сил и средств, но какие-то идиоты всё это просто взяли — и уничтожили. Вместо того, чтобы обустроить свободный пустырь.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера