«Наш сцяг бел-чырвона-белы». Мужчыну асудзілі на паўтара года калоніі за каментар у працоўным чаце
У судзе Астравецкага раёна 16 сакавіка асудзілі Паўла Дубава паводле арт. 370 (здзек з дзяржаўных сімвалаў) Крымінальнага кодэкса. Суддзя Дзмітрый Багдановіч прызначыў Паўлу адзін год і шэсць месяцаў пазбаўлення волі ў калоніі ва ўмовах агульнага рэжыму, паведамляе «Вясна».
Мужчыну абвінавацілі ў тым, што ён у карпаратыўнай суполцы адной з сацыяльных сетак буйной кампаніі грузаперавозак пакінуў каментар на беларускай мове, у якім патлумачыў, што «наш сцяг бел-чырвона-белы», а афіцыйны назваў «усходам сонца над балотам». Павел напісаў каментар, калі знаходзіўся ў Заходняй Еўропе падчас рэйса, пасля якога вярнуўся ў Беларусь.
Павел Дубаў з Мінска, жанаты, мае дзіця да трох год. Мужчына падаў у аблсуд апеляцыйную скаргу на вынесены прысуд.
Чытайце таксама:
У Мазыры прайшлі вобшукі і затрыманні
Выйшаў на волю палітзняволены Раман Агнішчанка
Адвакатку Настассю Лазарэнка будуць судзіць за кансультацыі пад Акрэсціна
https://www.youtube.com/watch?v=6BhumHPQHP0