Знайсці
22.03.2023 / 16:499РусŁacБел

Пасля «ліквідацыі тэрарыста» ў Гродне затрымалі пяць чалавек

Пасля «ліквідацыі тэрарыста» ў Гродне затрымана пяць чалавек. Сярод іх — Алена і Аляксандр Касцевічы, уладальніца кватэры, у якой прайшла «ліквідацыя», і яе сын. Па тэлебачанні іх назвалі «заўзятымі прыхільнікамі перамен». 22 сакавіка пра іх выказаўся Аляксандр Лукашэнка. Рэдакцыя Hrodna.life даведалася, што пра іх вядома.

Алену Касцевіч у сюжэце СТБ назвалі пенсіянеркай. Яна не ведала, хто арандаваў кватэру.

Аляксандр займаўся здачай кватэры ў арэнду, быў старшынёй жыллёвага кааператыва. У сюжэце адзначылі, што мужчыну затрымлівалі падчас акцый пратэсту ў 2020 годзе. Паводле інфармацыі суседзяў, ён вывешваў бчб-сцяг у 2020 годзе і «вызначыўся пратэснымі настроямі». Адзін сусед назваў яго ў інтэрв'ю дзяржТБ «бээнэфаўцам».

Канфліктаў з суседзямі Аляксандр не меў, быў ветлівым, лічаць яго прыяцелі. Ён перастаў выходзіць на сувязь 19 сакавіка.

У сюжэце паказалі скрыншоты са старонкі «УКантакце» мужчыны. Там была спасылка на платформу «Голас», якую стварылі ў 2020 годзе для кантролю за сумленнасцю выбараў і для альтэрнатыўнага падліку галасоў. На аватарцы — аўстрыйскі чырвона-бела-чырвоны сцяг. На старонцы відаць, што Аляксандр падпісваў петыцыі аб экалагічнай сітуацыі ў Беларусі.

«Патрыёт, але не актывіст»

Аляксандру 35 гадоў. Ён вучыўся ў ліцэі № 1 Гродна, пазней — у БНТУ. У яго — жонка і маленькае дзіця. Аляксандр удзельнічаў у байдарачным марафоне, распавялі яго прыяцелі. Ён «звычайны хлопец, добры сем'янін, патрыёт, але не палітычны актывіст ні разу, цалкам тыповы чалавек нашага ўзросту з добрай сям'і».

«Падстаў падазраваць [у садзейнічанні тэрарысту] няма, улічваючы сумніўнасць усёй гісторыі», — лічыць яго прыяцель.

Што цяпер з затрыманымі, невядома.

«Мярзотнікі»

Пра затрыманых падчас візіту ў Хатынь выказаўся і Лукашэнка. «Людзі нас інфармавалі на гэты выпадак. Акрамя гэтых мярзотнікаў, якія на кватэру ўзялі. Яны цяпер там сядзяць у засценках, мы з імі працуем. Гэта жудасныя бэчэбэшнікі. Чаму так атрымліваецца, што ўсе тэрарысты асядаюць у гэтых кватэрах. І яны «ні пры чым, «яны» нічога не ведаюць»».

Па справе дапыталі 14 чалавек, пяць з іх — у ізалятары. Хто яшчэ затрыманы, акрамя маці і сына, невядома. Распачата крымінальная справа паводле арт. 289 КК «Акт тэрарызму».

Чытайце таксама:

«Байпол» лічыць падзеі ў Гродне інсцэніроўкай. І называе імя меркаванага «тэрарыста»

ДзяржСМІ паказалі падроблены пашпарт забітага ў Гродне. Распавядаем, каму ён належаў і як робяцца такія дакументы

Па ТБ расказалі падрабязнасці таго, як «Ламакін» курсіраваў па Беларусі і як яго нібыта бралі кадэбісты

МУС шукае каля 1000 чалавек за «экстрэмісцкія злачынствы». Але «не больш»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Правдоруб /адказаць/сачыць
22.03.2023
Поляк , на что похоже? Откуда такие выводы?? Имеешь информацию о ходе "следствия"?)
22.03.2023
Ну хватит уже постить об этом вбросе с террористом. Вы же помните джип на границе с Украиной (Сотрудник: "этот ж на пластид похоже" лол) в 2017 году, никого не осудили, никаких документалок об этотм ОНТ, БТ, СТВ не делали.
22.03.2023
Клоуны путинские, продажные
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031