Знайсці
26.03.2023 / 23:394РусŁacБел

У Тульскай вобласці выбухнуў беспілотнік. Расія заяўляе, што ён украінскі

Расійскае Мінабароны абвінаваціла Украіну ў запуску беспілотніка, які стаў прычынай выбуху ў Тульскай вобласці ў нядзелю, 26 сакавіка. Паводле прадстаўнікоў ведамства, БПЛА перахапіў расійскі комплекс радыёэлектроннай барацьбы (РЭБ).

Паводле звестак МНС, ад выбуху пацярпелі тры дамы. Мясцовыя жыхары даслалі гэта фота тэлеграм-каналу «ЧП Тула»

Паведамляецца, што комплекс РЭБ «Поле-21» вывеў з ладу сістэму навігацыі беспілотніка, у выніку чаго ён, страціўшы арыентацыю, упаў у раёне населенага пункта Кірэеўск Тульскай вобласці.

Выбухам былі пашкоджаныя тры шматкватэрныя дамы і пацярпелі тры чалавекі, паведамілі мясцовыя ўлады.

Паводле папярэдняй версіі, прычынай выбуху стаў беспілотнік з боепрыпасамі, паведаміла РІА «Навіны» са спасылкай на МНС Расіі.

Агенцтва ТАСС са спасылкай на крыніцы ў сілавых ведамствах піша, што гаворка ідзе пра ўкраінскі БПЛА Ту-141 «Стрыж», які, магчыма, быў начынены выбухоўкай.

Раней МНС заявіла, што выбух прагучаў у 15:19.

Варонка, якая ўтварылася ў выніку падзення беспілотніка, і, як мяркуецца, яго асколак. Фота: «ЧП Тула»

«Двое пацярпелых — 2002 года і 2006 года нараджэння, у іх асколачныя раны, хуткая [дапамога] на месцы», — паведаміла ведамства. Пазней мясцовыя ўлады дадалі, што колькасць параненых асколкамі ўзрасла да трох.

Мясцовыя СМІ і тэлеграм-каналы публікуюць кадры з горада, на якіх бачная варонка ад выбуху.

Дыяметр варонкі складае ад 10 да 15 метраў, глыбіня — ад 5 да 8 метраў.

Паведамляецца таксама, што, акрамя жылых дамоў, было часткова разбурана чатыры гаспадарчыя пабудовы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Бавоўна/адказаць/
27.03.2023
Хватить курить где попало, курите там куда еще не попало
27.03.2023
Комплекс не там стрелял. Или вернее они будут их ставить чтоб при сбивании были жертвы, хотя летел он мимо на пороховой завод.
0
стоп рашизм/адказаць/
27.03.2023
Осколок и воронка похожи на то, что оставляет с300. Возможно хотели сбить дрон, но в итоге ракета упала на поселок. Как говорится, путину не в первой бомбить «Воронеж»!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031