Знайсці
27.03.2023 / 15:569РусŁacБел

Наўрад ці «ў стылі НАТА». Заходнія эксперты апісалі магчымы сцэнар будучага контрнаступлення Украіны

Кіеў не кантралюе неба над Украінай, у яго недастаткова авіятэхнікі, таму контрнаступленне пачнецца не з масіраванай паветранай атакі, а з ракетных удараў, мяркуюць апытаныя WSJ эксперты.

Украінскія байцы на знішчанай расійскай тэхніцы. Фота: Мінабароны Украіны

Украіна наўрад ці пачне контрнаступленне са штурму «ў стылі НАТА», які прадугледжвае масіраваную атаку з паветра з выкарыстаннем самалётаў і крылатых ракет, паведамляе The Wall Street Journal са спасылкай на экспертаў.

Для падобнай атакі ў Кіева няма неабходнай колькасці знішчальнікаў і верталётаў, сказаў палкоўнік арміі ЗША ў адстаўцы, прафесар вайсковага каледжа арміі ЗША Джон Нагл. Да таго ж ніводзін з бакоў канфлікту не кантралюе паветраную прастору над Украінай, адзначыў ён.

WSJ адзначае, што ўкраінскія вайскоўцы не раскрываюць сваіх планаў, але некаторыя аспекты контрнаступлення можна прадбачыць, улічваючы наяўную ў распараджэнні УСУ тэхніку, у тым ліку тую, якую пастаўляе Захад.

Апытаныя выданнем эксперты мяркуюць, што Украіна распачне атаку з выкарыстаннем высокадакладнай зброі далёкага дзеяння наземнага базавання, уключаючы ракеты і артылерыю. Затым, лічаць суразмоўцы, услед пойдзе сухапутны наступ, дзе Кіеву трэба будзе сумяшчаць савецкія танкі з заходнімі.

Міністр абароны Вялікабрытаніі Бэн Уолес у канцы студзеня казаў, што Challenger 2 будуць перададзены Украіне да пачатку лета; таксама еўрапейскія краіны паабяцалі накіраваць Кіеву Leopard 2 нямецкай вытворчасці; паступленне амерыканскіх M1 Abrams чакаецца ў канцы гэтага года, піша WSJ. Пасля гэтага, чакаюць эксперты, хутчэй за ўсё, будуць яшчэ дзясяткі баявых браніраваных машын і бронетранспарцёраў.

На думку прафесара Сэнт-Эндрускага ўніверсітэта ў Шатландыі Філіпса О'Браена, Кіеў можа паспрабаваць прасунуцца з Запарожскай вобласці ў бок Мелітопаля і Азоўскага мора, а таксама перарэзаць сухапутны калідор, які злучае анексаваны ў 2014 годзе Крым з тэрыторыяй Расіі. У канцы лютага намеснік начальніка Галоўнага ўпраўлення разведкі Мінабароны Украіны Вадзім Скібіцкі казаў, што УСУ паспрабуюць «убіць клін у расійскі фронт на поўдні — паміж Крымам і мацерыковай часткай Расіі».

Чытайце таксама:

«Крык адчаю». Украінскі эксперт пра размяшчэнне расійскай ядзернай зброі ў Беларусі

Украінскія экіпажы вяртаюцца ва Украіну пасля навучання на брытанскіх танках Challenger 2

Вайсковы аналітык: рашэнне расійскага камандавання пачаць зімовы наступ было памылкай і падарункам для Украіны

З састарэлай тактыкай нічога не будзе. Расійскі эксперт назваў прычыны паражэнняў сваёй арміі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
6
Бот ,как бот/адказаць/
27.03.2023
товарищу Жучков, у вас ус отклеился, Все бы это было хорошо ,ЕСЛИ БЫ успешное наступление уже состоялось.А его нет.Украина ,как страна ,как государство ,приобретая и накапливая оружие ,стремительно теряет людской потенциал. И я знаю об этом общаясь с украинцами ежедневно.Представьте себе ,что люди настолько устали ,что даже военные с передовой и далеко не рядового состава в узком кругу говорят приблизительно следующее ...когда все закончится ,забираю семью и уезжаю из этой страны...А так ,конечно ,враг будет разбит ,победа будет за нами ,Героям Слава!
28.03.2023
Бот ,как бот,хлуслівае лукашэнаўскае смецце. Абнаві ужо метадычку
0
Что и требовалось доказать, ты не просто бот, ты лукабот/адказаць/
28.03.2023
Бот ,как бот, ага, с украинцами он общается каждый день на могучем. Во-первых, даже если в твоем кругу общения есть украинцы, то не стоит говорить за весь украинский народ - это первый признак манипуляции, которым любят пользоваться лукашисты и рашисты.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера